Շախմատի Եվրոպայի մինչև 18 տարեկան պատանիների թիմային առաջնության 4-րդ խաղափուլում Հայաստանի թիմը 2.5:1.5 հաշվով հաղթել է Լեհաստանի թիմին
ԵՐԵՎԱՆ, 29 հուլիսի․/Նովոստի-Արմենիա/․ Շախմատի Եվրոպայի մինչև 18 տարեկան պատանիների թիմային առաջնության 4-րդ խաղափուլում Հայաստանի թիմը 2.5:1.5 հաշվով հաղթել է Լեհաստանի թիմին, հայտնում են Հայաստանի շախմատի ֆեդերացիան։
Թիմին հաղթական միավոր է բերել միջազգային վարպետ Բենիկ Ագասարովը:
Միջազգային վարպետ Վահե Սուքիասյանի, ՖԻԴԵ-ի վարպետներ Վաչե Հովակիմյանի և Ռուդոլֆ Փաշիկյանի խաղերն ավարտվել են ոչ-ոքի արդյունքով։
Այսօր կայանալիք 5-րդ խաղափուլում մեր պատանիները կմրցեն Թուրքիայի թիմի դեմ: