Քաղաքականություն
28.07.2026 | 18:49
Եվրոպական միությունը կանչել է Ռուսաստանի գործերի ժամանակավոր հավատարմատարին՝ ռուսական անօդաչու թռչող սարքերի կողմից Ռումինիայի օդային տարածքը խախտելու և Ուկրաինայում Լատվիայի պատվավոր հյուպատոսությանը վնաս հասցնելու կապակցությամբ: Այս մասին հայտարարել է Եվրոպական արտաքին գործողությունների ծառայության խոսնակ Անուար Էլ Անունին Բրյուսելում կայացած ճեպազրույցի ժամանակ, գրում է DW-ն:
Ըստ Էլ Անունիի՝ Ռուսաստանի գործերի ժամանակավոր հավատարմատարին փոխանցվել է «Եվրամիության կոշտ դիրքորոշման» մասին: Եվրամիության ներկայացուցիչը նաև ռուսական անօդաչու սարքերի կողմից Ռումինիայի օդային տարածքը խախտելը որակել է որպես դիտավորություն։
Էլ-Անունին միջադեպը որակել է նաև որպես «լուրջ սրացում»՝ ընդգծելով, որ նման գործողությունները սպառնալիք են ԵՄ անդամ պետությունների քաղաքացիների անվտանգության, տարածաշրջանային կայունության և միջազգային խաղաղության համար՝,վերահաստատելով իր համերաշխությունը Ռումինիայի և Լատվիայի հետ։
Լրագրողների հարցի ի պատասխան՝ նա նաև հիշեցրել է, որ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասն ավելի վաղ հայտարարել էր Ռուսաստանի դեմ նոր պատժամիջոցների նախապատրաստման մասին։
Թարգմանությունը՝ Էմմա Չոբանյանի