18:03 28.07.2026 (Թարմացված է: 18:07 28.07.2026)
Բաժանորդագրվել
Ավտոմեքենան գետից դուրս է բերվել հատուկ տեխնիկայի միջոցով։
ԵՐԵՎԱՆ, 28 հուլիսի – Sputnik. Կապանի Սպանդարյան փողոցի շենքերից մեկի դիմաց «Chevrolet» մակնիշի ավտոմեքենա է ընկել Ողջի գետը։ Տեղեկությունը հայտնում է ՀՀ ներքին գործերի նախարարության փրկարար ծառայությունը։
Դեպքը տեղի է ունեցել հուլիս 28-ին՝ ժամը 10։00-ի սահմաններում։
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից 1 մարտական հաշվարկ։ Պարզվել է, որ ավտոմեքենան դուրս է եկել ճանապարհի երթևեկելի հատվածից, բախվել արգելապատնեշին և հայտնվել գետում։ Վարորդը տեղափոխվել է բժշկական կենտրոն»,– ասված է հաղորդագրությունում։
Ավտոմեքենան գետից դուրս է բերվել հատուկ տեխնիկայի միջոցով։