ԱՄՆ-ն և Իրանը ցուցաբերում են հակամարտության հետագա սրման պատրաստակամություն, սակայն երկու երկրների կառավարություններն առայժմ ի վիճակի չեն հասնելու վճռորոշ առավելության։ Այդ մասին գրում է The Wall Street Journal-ը՝ հղում անելով փորձագետներին։
Ռազմական վերլուծաբանները պարբերականի հետ զրույցում նշել են, որ ստեղծված իրավիճակը կարող է վերածվել երկարատև հակամարտության։
«Ներկայումս նկատվում է էսկալացիայի միտում։ Չեմ կարծում, որ ԱՄՆ-ի վարչակազմն ունի հստակ ռազմավարական պատկերացում այն մասին, թե ինչի է փորձում հասնել», — թերթին ասել է ամերիկացի դիվանագետ Ալան Էյրը, որը մասնակցել է Իրանի հետ բանակցություններին։