Հայաստանի տարածքային կառավարման և ենթակառուցվածքների նախարար Դավիթ Խուդաթյանը Թեհրանում հանդիպել է Իրանի նավթի նախարար Մոհսեն Պակնեջադիի հետ։
Իրանը առաջարկել է Հայաստանին գազի մատակարարումների ընդլայնման նախագիծ, հաղորդել է Mehr լրատվական գործակալությունը։
Երկու երկրների էներգետիկ համագործակցությունը հիմնված է իրանական գազի դիմաց հայկական էլեկտրաէներգիայի մատակարարման վրա։
Հանդիպումից հետո կողմերը համաձայնության են եկել ստեղծել էներգետիկ հարցերով աշխատանքային խումբ՝ գազի մատակարարման վրա կենտրոնանալով։ Իրանի նավթի նախարարն առաջարկել է, որ այս խումբը հնարավորինս շուտ սկսի իր աշխատանքները, որպեսզի կողմերը կարողանան գնահատել դրա արդյունքները հետագա բանակցությունների ժամանակ։