Ջութակահարուհի Անի Աղաբեկյանը նշանակվել է Ֆրանկֆուրտի Կամերային ֆիլհարմոնիայի նոր գործադիր տնօրեն
ԵՐԵՎԱՆ, 25 հուլիսի․/Նովոստի–Արմենիա/․ Ջութակահարուհի Անի Աղաբեկյանը նշանակվել է Ֆրանկֆուրտի Կամերային ֆիլհարմոնիայի նոր գործադիր տնօրեն։
«Անին մշակութային ծրագրերի իրականացման մեծ փորձ ունի և սեփական փորձից գիտի այս աշխատանքի տարբեր կողմերը՝ որպես ջութակահար, երաժշտության ուսուցիչ, մշակութային մենեջեր և Հայաստանի պատվավոր հյուպատոսության մշակույթի ներկայացուցիչ», – նշվում է ֆիլհարմոնիայի Facebook-ի հաղորդագրության մեջ։
Բացի այդ, հաստատությունում հայտարարել են, որ որպես սեփական երաժշտական դպրոցի հիմնադիր և ղեկավար՝ նա ունի կառավարչական նշանակալի փորձ։