Գագիկ Ծառուկյանի նկատմամբ նոր գործ է հարուցվել. փաստաբանը մանրամասներ հայտնեց

Գագիկ Ծառուկյանի նկատմամբ նոր գործ է հարուցվել. փաստաբանը մանրամասներ հայտնեց

Գագիկ Ծառուկյանի նկատմամբ նոր գործ է հարուցվել. փաստաբանը մանրամասներ հայտնեց

Sputnik Արմենիա

ԵՐԵՎԱՆ, 24 հուլիսի – Sputnik․ «Բարգավաճ Հայաստան» կուսակցության առաջնորդ Գագիկ Ծառուկյանի նկատմամբ նոր հանրային քրեական հետապնդում է հարուցվել Քրեական… 24.07.2026, Sputnik Արմենիա

2026-07-24T23:37+0400

2026-07-24T23:37+0400

2026-07-24T23:43+0400

հայաստան

բարգավաճ հայաստան կուսակցություն (բհկ)

գագիկ ծառուկյան

քրեական գործ

https://cdn.am.sputniknews.ru/img/2343/25/23432589_0:0:1600:901_1920x0_80_0_0_ac0ff77ab6cae8886a0f5933831c6fa7.jpg.webp

ԵՐԵՎԱՆ, 24 հուլիսի – Sputnik․ «Բարգավաճ Հայաստան» կուսակցության առաջնորդ Գագիկ Ծառուկյանի նկատմամբ նոր հանրային քրեական հետապնդում է հարուցվել Քրեական օրենսգրքի 290-րդ հոդվածով՝ հարկերից խուսափելու մեղադրանքով։ Ծառուկյանի հարցաքննությունից հետո Քննչական կոմիտեի մոտ լրագրողների հետ զրույցում այս մասին ասաց նրա պաշտպան Էմին Խաչատրյանը։Նա պարզաբանեց, որ նոր քրեական հետապնդումը կապված է Երևանի «Արարատ» կոնյակի-գինու-օղու կոմբինատի հետ, որի տնօրեն Արման Դավթյանին այսօր ձերբակալել են։Ինչ վերաբերում է շուրջ 12 ժամ տևած հարցաքննությանը, Խաչատրյանը նշեց, որ 2 առերեսում է տեղի ունեցել Իրանի քաղաքացի երկու եղբայրների հետ։ Նրա խոսքով` այսօր շարունակվել են նախորդ առերեսման ապօրինությունները, կրկին սահմանափակվել է Ծառուկյանի արդյունավետ պաշտպանության իրավունքը։«Մենք միջանցքում նկատեցինք, որ եղբայրները ճամպրուկներով էին եկել, կարծում եմ՝ պետք է մեկնեին ՀՀ-ից։ Կարող եմ ենթադրել, որ դրանով պայմանավորված՝ վարույթն իրականացնող մարմինը ջանք չէր խնայում հապշտապ ավարտել այդ առերեսումները։ Բոլոր հնարավոր ու անհնար մեթոդներով կրկին սահմանափակեցին մեր՝ հարցեր տալու իրավունքը»,- նշեց Խաչատրյանը։Նա ընդգծեց` մեր երկրում այս տարիների ընթացքում տարբեր քաղաքական գործեր ու ճնշումներ եղել են, բայց սա աննախադեպ է։Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։ Հուլիսի 16-ին հայտնի դարձավ, որ «Արարատցեմենտը» հանձնվել է Հայաստանի Հանրապետության կառավարմանը, «Մուլտի Վելնես» մարզասրահի շենքն անցել է Երևանի քաղաքապետարանին, իսկ դատախազությունը պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։Հատկանշական է, որ այս իրադարձությունները հաջորդեցին ՀՀ վարչապետ Նիկոլ Փաշինյանի հայտարարություններին։ Նա նախընտրական քարոզարշավի ժամանակ հայտարարեց, որ շատ շուտով Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն արձագանքեց այդ հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։