ԵՄ-ն պաշտոնապես հաստատել է Ռուսաստանի դեմ պատժամիջոցների 21-րդ փաթեթը
Եվրամիությունը վերջնականապես հաստատել է Ռուսաստանի դեմ պատժամիջոցների 21-րդ փաթեթը։ Սահմանափակումների տակ են հայտնվել 48 ֆիզիկական անձ և 170 ընկերություն ու կազմակերպություն։
Հիմնական սահմանափակումները վերաբերում են ֆինանսական, նավթային, մետաղագործական և ռազմարդյունաբերական ոլորտներին։
Սառեցվել են ևս 94 ռուսական բանկերի և խոշոր ֆինանսական կառույցների ակտիվները, սահմանափակումներ են կիրառվել 33 կազմակերպությունների գործարքների նկատմամբ։
Պատժամիջոցներ են սահմանվել «ստվերային նավատորմի» ևս 41 տանկերի, 8 ընկերությունների և մի շարք այլ կառույցների նկատմամբ։
Սահմանափակումները տարածվել են ռուսական և բելառուսական մի քանի նավթավերամշակման գործարանների, նավթային, ոսկու, ադամանդի, հանքարդյունաբերական և մետաղագործական ընկերությունների վրա։
Պատժամիջոցների ցանկում ներառվել են ռուսական ռազմարդյունաբերական համալիրի 56 ընկերություններ և անձինք, այդ թվում՝ հեռահար գործողության անօդաչուների արտադրությամբ զբաղվող 37 կառույց։
ԵՄ-ն ընդլայնել է նաև տեխնոլոգիաների և բաղադրիչների արտահանման սահմանափակումները, ինչպես նաև սահմանափակել է մի շարք ռուսական ապրանքների ներմուծումը։
Բացի այդ, պատժամիջոցների տակ են հայտնվել ևս 8 ռուսաստանցի քարոզիչներ և մեկ գեներալ-մայոր։ ԵՄ-ն նաև պատրաստում է վիզային արգելքներ Ռուսաստանի այն զինծառայողների նկատմամբ, որոնք մասնակցում են Ուկրաինայի դեմ պատերազմին։
ԵՄ-ն արգելք է սահմանել եվրոպական ընկերությունների համար՝ Ռուսաստանի երկու նավահանգիստների և չորս օդանավակայանների հետ գործարքներ իրականացնելու վերաբերյալ։