Կոնֆերենցիաների լիգայի որակավորման երկրորդ փուլի առաջին խաղում Երևանի «Ալաշկերտն» ընդունեց ռումինական «Կլուժին»։ Գրանցվեց 1:1 հաշիվը։ Հանդիպումը կայացավ Ավանի Ֆուտբոլի ակադեմիայում։
Վահե Գևորգյանի գլխավորած թիմի կազմում հանդիպման հաշիվը 35-րդ րոպեին բացեց բրազիլացի պաշտպան Ռաֆայել Ժեզուսը (տեսանյութ)։ Հյուրերի պատասխան գոլը երկրորդ խաղակեսի սկզբնամասում խփեց ռումինացի հարձակվող Անդրես Սֆաիթը։
Պատասխան հանդիպումը կկայանա հուլիսի 30-ին Ռումինիայում։ Դիմակայության հաղթողը որակավորման երրորդ փուլում մրցելու է «Թրոմսյո» (Նորվեգիա) – «Հրադեց Կրալովե» (Չեխիա) զույգի հաղթողի հետ։
Հիշեցնենք, որ Կոնֆերենցիաների լիգայի որակավորման առաջին փուլում «Ալաշկերտը» հետխաղային 11-մետրանոցներով հաղթել էր ղազախական «Ելիմային»:
Կոնֆերենցիաների լիգա, որակավորման երկրորդ փուլ, առաջին հանդիպում
«Ալաշկերտ» (Հայաստան) – «Կլուժ» (Ռումինիա)՝ 1:1
Ռաֆայել Ժեզուս, 35 – Անդրես Սֆաիթ, 47