Թեհրանը Լոնդոնին զգուշացրել է ռազմաբազաները ԱՄՆ ինքնաթիռների կողմից Իրանի դեմ հարվածներ հասցնելու համար օգտագործելու հետևանքների մասին։ «Իրանը վճռական է պաշտպանել իր ազգային ինքնիշխանությունը, տարածքային ամբողջականությունը, ազգային շահերը և անվտանգությունը ագրեսիայի դեմ, և ցանկացած կողմ, որը որևէ կերպ կմիանա Իրանի դեմ ռազմական ագրեսիային, պատասխանատվություն կկրի իր որոշման հետևանքների համար», – ասվում է հայտարարության մեջ։
Իրանի արտաքին գործերի նախարարությունը նաև դատապարտել է Միացյալ Թագավորության՝ ամերիկյան ինքնաթիռներին բազաներ տրամադրելու վերաբերյալ որոշումը՝ նշելով, որ դա խախտում է ՄԱԿ-ի կանոնադրությունը։
Ավելի վաղ հաղորդվել էր, որ Մեծ Բրիտանիայի իշխանությունները ժամանակավորապես հետ են կանչել դիվանագիտական անձնակազմը Իրանից՝ լարված անվտանգության իրավիճակի ֆոնին։