ԱՄՆ-ն և Սաուդյան Արաբիան ստորագրել են համաձայնագիր, որը նախատեսում է թագավորությունում քաղաքացիական միջուկային էներգետիկայի ծրագրի զարգացում, հաղորդում է CNBC-ը։
ԱՄՆ-ի Էներգետիկայի նախարարության տվյալներով՝ համաձայնագիրը կստեղծի իրավական հիմք բազմամիլիարդ դոլար արժողությամբ գործընկերության համար, որը կտևի տասնամյակներ։ Այն ամերիկյան ընկերություններին հնարավորություն կտա մասնակցել Սաուդյան Արաբիայի միջուկային էներգետիկայի ծրագրին՝ խթանելով ԱՄՆ-ից տեխնոլոգիաների արտահանումը։ Westinghouse-ի գլխավոր տնօրեն Դեն Սամները գործարքը բնութագրել է որպես «նշանակալի քայլ», որը կուժեղացնի էներգետիկ անվտանգությունը և կընդլայնի հնարավորությունները ամերիկյան արդյունաբերության համար։
Ներկայումս Սաուդյան Արաբիան, որը OPEC-ի խոշորագույն նավթարտադրողն է, իր ներքին էներգիայի գրեթե ամբողջ պահանջարկը բավարարում է հանածո վառելիքի հաշվին։ Երկրում էլեկտրաէներգիայի շուրջ 60%-ը արտադրվում է բնական գազից, իսկ մոտ 40%-ը՝ նավթից։
Համաձայնագիրը, ԱՄՆ-ի Ատոմային էներգիայի մասին օրենքի պահանջներին համապատասխան, կներկայացվի ԱՄՆ Կոնգրեսի քննարկմանը։