ԱՄՆ Ներկայացուցիչների պալատը փոքր մեծամասնությամբ հաստատել է 2027 թվականի համար գրեթե 1.15 տրիլիոն դոլարի Ազգային պաշտպանության լիազորման մասին օրենքը (NDAA)։
Կոնգրեսի 216 անդամ քվեարկել է կողմ, իսկ 212-ը՝ դեմ։
Յոթ հանրապետական չի աջակցել օրինագծին, մինչդեռ վեց դեմոկրատ քվեարկել է կողմ։
«The Hill»-ը նշել է, որ ամեն տարի ընդունվող NDAA-ն սովորաբար վայելում է երկկուսակցական աջակցություն, սակայն այս տարի այն դժվարությունների է հանդիպել Կոնգրեսում՝ ԱՄՆ-Իրան հակամարտության պատճառով։
Պաշտպանության բյուջեի առաջարկն այժմ քննարկվում է ԱՄՆ Սենատում, և վերին պալատի կողմից հաստատվելուց հետո այն կներկայացվի նախագահի ստորագրմանը։