Եմենի հութի շարժման ռազմական խոսնակը հայտարարել է, որ խմբավորումն իրականացրել է հարձակում Սաուդյան Արաբիայի հետ կապված երկու նավթատար տանկերի՝ ENCELA և LAYLIA նավերի նկատմամբ։
Նրա խոսքով՝ հարվածները հասցվել են այն բանի համար, որ տանկերը, ըստ հութիների, խախտել են Սաուդյան Արաբիայի հետ կապված նավերի տեղաշարժի սահմանափակումները։
Հայտարարությունը հնչել է այն բանից հետո, երբ Մեծ Բրիտանիայի ծովային առևտրի գործողությունների վարչությունը (UKMTO) տեղեկացրել էր Սաուդյան Արաբիայի ափերի մոտ նավթատար տանկերի վրա հարձակման և դրա հետևանքով բռնկված հրդեհի մասին։ Հութիների հայտարարությունը դեռևս անկախ աղբյուրներով պաշտոնապես չի հաստատվել։