«ԿԸՀ-ն՝ քննելով Նարեկ Կարապետյանին մեղադրանք առաջադրելու հարցի վերաբերյալ միջնորդությունը, համաձայնություն տալու հանգամանքը բավարարել է»,- լրագրողների հետ զրույցում ասաց փաստաբան Արամ Վարդևանյանը։
«Նշվածը չի հանդիսանում անձեռնմխելիությունից ընդհանրապես զրկում․ տեսա, որ մի քանի լրատվականներ նման վերնագիր էին օգտագործել։ Սա վերաբերում է մեղադրանք տալուն համաձայնությանը։ Ժամը 15։30 շարունակվելու է հարցի վերաբերյալ քննարկումը»,- հավելեց նա։
Հիշեցնենք, որ ԿԸՀ-ն արդեն 2-րդ օրն է՝ քննում է Նարեկ Կարապետյանի վերաբերյալ դատախազության միջնորդությունը։