Հիմնանորոգվում է Ակունքի գերեզմանոց տանող ճանապարհը
Գեղարքունիքի մարզի Վարդենիս համայնքի Ակունք գյուղում ՀՀ կառավարության կողմից 2026 թվականին իրականացվող սուբվենցիոն ծրագրերի շրջանակներում ընթանում են գերեզմանանոց տանող ճանապարհի հիմնանորոգման աշխատանքները։
Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, Ակունքի գերեզմանոց տանող ճանապարհի հիմնանորոգման ծրագրի պայմանագրային արժեքը կազմում է 50 միլիոն 575 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Վարդենիսի համայնքապետարանը։
Ծրագրի նախագծով նախատեսվում է իրականացնել հողային պաստառների վերականգնում, ջրահեռացման համակարգի վերականգնում՝ ջրթող կառուցվածքների նորոգում, նոր խողովակների տեղադրում և ջրթող վաքերի կառուցում, ճանապարհի ամբողջական ասֆալտապատում, ճանապարհի կահավորում և գծանշում՝ 643 գծամետր երկարությամբ։
«Շինարարականա աշխատանքները մեկնարկել են 2026 թվականի հուլիսի երկորդ կեսից և կավարտվեն առաջիկա շաբաթների ընթացքում։ Այս ծրագրի իրականացումը կնպաստի Ակունք բնակավայրի ճանապարհային ենթակառուցվածքների բարելավմանը, երթևեկության անվտանգության բարձրացմանը և բնակիչների համար առավել հարմարավետ ու անվտանգ տեղաշարժի ապահովմանը»,-ներկայացրին Վարդենիսի համայնքապետարանի աշխատակազմից։