«Արբատ» առանձին հատուկ նշանակության գումարտակի հրամանատար Հայկ Գասպարյանն է զոհվել մարտական առաջադրանք կատարելիս, հայտարարել է Գորլիվկայի քաղաքապետ Իվան Պրիխոդկոն Telegram-ում։
«Այսօր Արբատի առանձին հատուկ նշանակության գումարտակի հրամանատար Հայկ «Աբրեկը» հերոսի մահով զոհվեց մարտական առաջադրանք կատարելիս։ Հավերժ հիշատակ», – գրել է Պրիխոդկոն։
Արբատի գումարտակը, կամ «Հայկական գումարտակը», Պյատնաշկա միջազգային բրիգադի մաս է կազմում և ստեղծվել է 2022 թվականին Արմեն Սարգսյանի կողմից։ Սարգսյանն ինքը մահացել է Մոսկվայի «Սքարլեթ Սեյլս» բնակելի համալիրում 2025 թվականի փետրվարին տեղի ունեցած պայթյունի հետևանքով։
2023 թվականի ամռանը «Արբատը» պայմանագիր էր կնքել Ռուսաստանի պաշտպանության նախարարության հետ, և Հայկ Գասպարյանը դարձել էր դրա հրամանատարը։ Մինչ այդ նա ծառայել է «Վագներ» մասնավոր ռազմական կազմակերպությունում։ 2022 թվականին Ռուսաստանի նախագահ Վլադիմիր Պուտինը Գասպարյանին պարգևատրել էր «Արիության համար» մեդալով։