Նա հիշեցրեց, որ սա այն վարույթն է, որ մի անգամ էլի եկել է ԿԸՀ, արտահերթ նիստ են գումարել, որի մասին ոչ ոք տեղեկացված չի եղել, հետո ԿԸՀ–ն տվյալ վարույթը հետ է ուղարկել` նշելով, որ այն իր տիրույթում չէ։
«Սա հերթական քաղաքական հետապնդման, միջամտության դեպք է։ Սա, մեղմ ասած, իրավունքի նկատմամբ ծաղր է։ Թե ինչ քրեական վարույթ է, տեղյակ չեմ, սակայն փաստացի միջնորդությունը վերաբերում է Կարապետյանին անձեռնմխելիությունից զրկելուն»,– ընդգծեց փաստաբանը։
Նա նշեց, որ իրավաբաններով ցանկանում էին ժամանակ վերցնել` ծանոթանալու համար գործի նյութերին, սակայն Նարեկ Կարապետյանի դիրքորոշմն այլ էր` նա դեմ է եղել, որ ժամկետ վերցնեն։
«Այս միջնորդությունը ոչ միայն օրենքի խախտում է, այլև Սահմանադրական դատարանի որոշման խախտում։ Անգամ միջազգային փորձում որևէ նման երևույթ չենք տեսնի։ Նարեկ Կարապետյանի վարույթը, ես հստակ կարող եմ ասել, որ իրավաբանության հետ որևէ առնչություն չի կարող ունենալ»,– ասաց Վարդևանյանը։