Քաղաքականություն
20.07.2026 | 19:20
Ուկրաինական անօդաչու թռչող սարքը ՌԴ Բելգորոդի մարզի Շեբեկինո քաղաքում հարվածել է ուղևորատար ավտոբուսի: Այս մասին հայտնել է Բելգորոդի նահանգապետի պաշտոնակատար Ալեքսանդր Շուվաևը, գրում է Meduza-ն։
Նրա խոսքով՝ զոհվել է 5 քաղաքացիական անձ՝ չորս կին և մեկ անչափահաս տղա։
Վիրավորվել է 23 մարդ, այդ թվում՝ 17-ամյա տղա։ Բոլոր տուժածները տեղափոխվել են Շեբեկինոյի շրջանային հիվանդանոց, նրանցից երեքը ծանր վիճակում են։
Տեղական «Пепел»-ը հաղորդում է, որ անօդաչուն հարվածել է Շեբեկինոյի և Բելգորոդի միջև երթևեկող 109 երթուղու ավտոբուսին։
Ուկրաինայի իշխանությունները չեն մեկնաբանել հարձակման մասին հաղորդագրությունները։
Թարգմանությունը՝ Էմմա Չոբնանյանի