Ուկրաինայի Անօդաչու համակարգերի ուժերը (SBS) հայտարարել են, որ անցած գիշեր Սև ծովում հարվածներ են հասցրել Ռուսաստանի 12 նավի, որոնք, ուկրաինական կողմի պնդմամբ, ներգրավված էին «ստվերային» փոխադրումների սխեմաներում։
SBS-ի հրամանատար, «Մադյար» մականունով հայտնի Ռոբերտ Բրովդիի խոսքով՝ խոցված նավերի թվում են 9 բեռնատար նավ, մեկ նավթատար, մեկ գազատար և մեկ քարշակ։
Նրա ներկայացրած տվյալներով՝ հուլիսի 6-ից 17-ն ընկած ժամանակահատվածում ուկրաինական անօդաչու համակարգերը ընդհանուր առմամբ խոցել են 159 ռուսական նավ, որոնցից 117-ը՝ Ազովի ծովում, իսկ 42-ը՝ Սև ծովում։
«Մադյարը» պնդել է, որ այդ գործողությունների հետևանքով Ռուսաստանի հարավային ուղղությամբ արտահանման և ռազմական լոգիստիկայի հնարավորությունները զգալիորեն սահմանափակվել են։