Լիբանանյան պաշտոնական աղբյուրը «Ալ Ջազիրա»-ին հայտնել է, որ Հռոմում բանակցություններն ավարտվել են Լիբանանի հարավում երկու պիլոտային գոտի ստեղծելու համաձայնագրով։
Աղբյուրի խոսքով՝ պիլոտային գոտիներից մեկը ներկայումս գտնվում է իսրայելական օկուպացիայի տակ, իսկ երկրորդը հարում է իսրայելական դիրքերին: Լիբանանը ձգտում է համաձայնության գալ մի մեխանիզմի շուրջ, որը կսահմանի Լիբանանի հարավում մնացած պիլոտային գոտիների ստեղծման ժամանակացույցը:
Հռոմում կայացած հանդիպումը նվիրված էր պիլոտային գոտիների իրականացման մեխանիզմների համաձայնեցմանը, այդ թվում՝ իսրայելական զորքերի դուրսբերումը և նշված շրջաններում լիբանանյան բանակի տեղակայումը կարգավորող ընթացակարգերին:
Աղբյուրը հավելել է, որ քննարկումները շարունակելու համար տեղի կունենա հաջորդ հանդիպումը լիբանանյան և իսրայելական ռազմական պատվիրակությունների մասնակցությամբ՝ ԱՄՆ հովանու ներքո: Հանդիպման անցկացման օրն ու վայրը դեռ որոշված չեն և կախված են ամերիկյան կողմի հետ պայմանավորվածություններից: