Քաղաքականություն
15.07.2026 | 13:45
Իրանի բանակը չորեքշաբթի հայտարարել է, որ Բամպուրում գտնվող իրանական ռազմաբազայի վրա ԱՄՆ-ի գիշերային հարվածների հետևանքով զոհվել է առնվազն 7 զինծառայող։ Այս մասին հաղորդում է կիսապաշտոնական Tasnim լրատվական գործակալությունը, գրում է France 24-ը։
Բանակը հայտարարել է, որ հարվածները նպատակ ունեին առավելագույն զոհերի պատճառ դառնալ, քանի որ 13 հրթիռներ հարվածել են հարավ-արևելքում գտնվող Իրանշահր քաղաքի մոտակայքում գտնվող բազայի հյուրանոցին, պահակակետերին և բնակելի հաստատություններին։ Նշվում է, որ մի քանի վիրավորներ կան, բանակը խոստացել է «վճռական պատասխան»։
Իրանի վրա ԱՄՆ-ի վերջին ավիահարվածների հետևանքով վիրավորվել է ավելի քան 260 մարդ։ Այս մասին էլ հայտնել է Առողջապահության նախարարության պաշտոնյան՝ առանց զոհերի թվի մասին խոսելու։
X-ում Իրանի կառավարության խոսնակ Ֆաթեմեհ Մոհաջերանին, իր հերթին, հայտնել է, որ Իրանի հարավային շրջանների վրա ԱՄՆ-ի հարվածների հետևանքով զոհվել է ավելի քան 30 խաղաղ բնակիչ։
«Մենք մեր խորին ցավակցություններն ու կարեկցանքն ենք հայտնում զոհվածների ընտանիքներին և հարգում ենք զոհվածների հիշատակը։ Կառավարությունը կկանգնի ժողովրդի կողքին և կտրամադրի իր լիակատար աջակցությունը»,- նշել է Մոհաջերանին։
Թարգմանությունը՝ Էմմա Չոբանյանի