ԵՐԵՎԱՆ, 15 հուլիսի. /ԱՌԿԱ /. Shirak Avia ավիաընկերությունն իր 4-ամյակի կապակցությամբ 2026 թվականի նոյեմբերի 10-ից գործարկում է ուղիղ չվերթներ Երևանից դեպի Բալի, Թաիլանդ և Մալդիվներ:
Ինչպես չորեքշաբթի «ԱՌԿԱ» գործակալությանը հայտնել են ավիաընկերությունից, դեպի Բալի չվերթները կիրականացվեն կիրակի օրերին, դեպի Թաիլանդ՝ հինգշաբթի, իսկ դեպի Մալդիվներ՝ շաբաթ օրերին:
Տոմսերի վաճառքն արդեն սկսվել է, չվերթները կիրականացվեն մինչև 2027 թվականի մարտը:
Ավիաընկերության մասին
«Shirak Avia» ՍՊԸ-ն գրանցվել է 2019 թ.-ին, կանոնավոր կոմերցիոն օդային փոխադրումների իրականացման հավաստագիրը ստացել է 2021 թվականի հոկտեմբերին:
Ավիաընկերությունը բազավորվում է Երևանում և հիմնականում օգտագործում է «Զվարթնոց» միջազգային օդանավակայանը, ինչպես նաև նրա ամառային չվացուցակում առկա են չվերթներ՝ կապված Գյումրիի «Շիրակ» օդանավակայանի հետ: