ՀՀ կառավարությունն առաջարկում է էական փոփոխություններ կատարել սահմանամերձ բնակավայրերում բնակարանաշինության պետական աջակցության ծրագրում։ Նախագծի հիմնական նպատակն է պաշտպանել շահառուներին կառուցվող կամ արդեն կառուցված տները կորցնելու ռիսկից, եթե նրանք ունեն այլ վարկային ժամկետանց պարտավորություններ:
Բռնագրավման և արգելանքի բացառում
Ծրագրի իրականացման ընթացքում գործընկեր բանկերը բախվել են խնդիրների, երբ քաղաքացիների այլ պարտքերի պատճառով վտանգվել են պետական աջակցությամբ կառուցվող տները։ Նոր նախագծով սահմանվում է հստակ արգելք.
«Ծրագրի շրջանակում տրամադրվող ֆինանսական աջակցությունը, այդ թվում՝ հիփոթեքային վարկով կառուցված անշարժ գույքը, հիփոթեքային վարկի գործողության ընթացքում չի կարող արգելադրվել, բռնագրավվել կամ հաշվանցվել շահառուի այլ պարտավորությունների դիմաց»:
Այս կարգավորումն ունենալու է հետադարձ ուժ և տարածվելու է 2023 թվականի հունվարի 1-ից տրամադրված բոլոր վարկերի վրա։
Արտոնություններ զինծառայողների համար և տեխնիկական շտկումներ
Փոփոխություններով մեղմվում են պայմանները պարտադիր զինվորական ծառայություն անցած քաղաքացիների համար: Եթե շահառուն դիմելուն նախորդող տարում ծառայել է բանակում և չի բավարարել բնակավայրում հաշվառված լինելու ժամկետի պահանջը, նրա հաշվառման ստաժը կհաշվարկվի մինչև զորակոչվելը։
Բացի այդ, նախագծով կատարվել է տեխնիկական շտկում. Գեղարքունիքի մարզի Լեռնահովիտ բնակավայրի անվանումը ծրագրում կփոխարինվի դրա պաշտոնական նոր անվանմամբ՝ Լեռնակերտ:
Ծրագրի ընթացիկ արդյունքներն ու փոփոխությունները
|
Ծրագրի ցուցանիշները (առ 17.06.2026) |
Նոր փոփոխությունների էությունը |
Ում վրա է տարածվում |
|
3,158 ընդհանուր շահառու ընտանիք |
Պաշտպանություն պարտքերից. Բնակարանը չի կարող արգելադրվել կամ բռնագրավվել այլ վարկերի պատճառով: |
Հետադարձ ուժով՝ 2023թ. հունվարի 1-ից վարկ ստացածների վրա: |
|
2,598 արդեն վարկ ստացած ընտանիք |
Զինծառայողների արտոնություն. Հաշվառման ժամկետը կստուգվի մինչև բանակ զորակոչվելը: |
Ծրագրին դիմելուց առաջ 1 տարվա ընթացքում զորացրվածների վրա: |