https://arm.sputniknews.ru/20260208/nra-khaghy-najum-em-inchpes-chaviiny-ev-injestajiny-dmitri-alenichevy-mkhitarjani-masin-98534201.html
«Նրա խաղը նայում եմ, ինչպես Չավիինը և Ինյեստայինը». Դմիտրի Ալենիչևը՝ Մխիթարյանի մասին
«Նրա խաղը նայում եմ, ինչպես Չավիինը և Ինյեստայինը». Դմիտրի Ալենիչևը՝ Մխիթարյանի մասին
Sputnik Արմենիա
Հայտնի ռուս ֆուտբոլիստը խոստովանել է, որ Մխիթարյանի խաղից հաճույք է ստանում, իսկ Սպերցյանին կցանկանար տեսնել իսպանական Լա Լիգայում: 08.02.2026, Sputnik Արմենիա
2026-02-08T15:11+0400
2026-02-08T15:11+0400
2026-02-08T15:11+0400
հենրիխ մխիթարյան
ֆուտբոլ
ֆուտբոլիստ
«ռեալ մադրիդ» ֆուտբոլային ակումբ
դմիտրի ալենիչև
https://cdn.am.sputniknews.ru/img/07ea/02/05/98455251_0:0:1600:901_1920x0_80_0_0_78d1d90821464eece625af9ab87f5eb6.jpg.webp
ԵՐԵՎԱՆ, 8 փետրվարի – Sputnik. Հայաստանի հավաքականի նախկին ավագ Հենրիխ Մխիթարյանը 37 տարեկանում շարունակում է հրաշալի ֆուտբոլիստ մնալ։ Այս մասին Sputnik Արմենիային ասել է Մոսկվայի «Սպարտակի» նախկին խաղացող, «Պորտուի» կազմում Չեմպիոնների լիգայի և Եվրոպայի լիգայի հաղթող Դմիտրի Ալենիչևը:Հենրիխի և Դմիտրիի ֆուտբոլային կենսագրություններում կա երկու հատման կետ կա. երկուսն էլ ժամանակին խաղացել են «Ռոմայում», երկուսին էլ ժամանակին մարզել է Ժոզե Մոուրինյուն (ընդ որում՝ Մխիթարյանին՝ երկու թիմերում): Չնայած դրան, նրանք անձամբ ծանոթ չեն, ինչը զարմանալի չէ. Ալենիչևը Հենրիխից 17 տարով մեծ է և ավարտել է իր կարիերան, երբ Մխիթարյանը նոր էր այն սկսում:Հենրիխն օժտված է շատ բարձր ֆուտբոլային ինտելեկտով, իսկ դա, Ալենիչևի խոսքով, հենց այն է, ինչ իրեն դուր է գալիս խաղի մեջ:«Ես նման ֆուտբոլիստներին ուղղակի պաշտում եմ, կարող եմ նույնիսկ այդպիսի բառ օգտագործել: Երբ նայում եմ «Ինտերի» խաղերը, իհարկե, առաջին հերթին նրան եմ հետևում: Պարզապես հաճույք է դիտելը, բավականություն է պատճառում, մոտավորապես այնպես, ինչպես առաջ «Բարսելոնայում» նայում էի Չավիի և Ինյեստայի խաղին»,-ասում է Ալենիչևը:Նա Մխիթարյանին մաղթում է որքան հնարավոր է երկար պահպանել ներկայիս մակարդակը՝ չնայած տարիքին, հաճույք պատճառել հայ երկրպագուներին և օրինակ ծառայել երիտասարդ ֆուտբոլիստներին։Ինչ վերաբերում է Սպերցյանին, ապա, «Սպարտակի» և «Պորտուի» աստղի կարծիքով` Էդուարդին ամենից շատ կսազի իսպանական առաջնությունը:Կատարյալ կլիներ իհարկե «Ռեալը» կամ «Բարսելոնան», բայց նույնիսկ եթե Էդուարդը հայտնվի առաջին հնգյակի թիմում, օրինակ՝ «Վիլյառեալում» կամ «Ատլետիկոյում», այդ տարբերակը նույնպես շատ լավ կլինի: Ամենակարևորը, հայտնի ֆուտբոլիստի խոսքով, այն է, որ նա օժտված է այնպիսի որակներով, որոնք թույլ կտան նրան հետագայում առաջընթաց ունենալ:«Նա դեռ իր ներուժը հարյուր տոկոսով չի բացահայտել, աշխատելու տեղ ունի, և ինքն էլ դա հիանալի հասկանում է»,-նշել է Ալենիչևը:Նշենք, որ օրերս Հայաստանում էր Ռուսաստանի ֆուտբոլային միության պատվիրակությունը, որի կազմում էին նաև 90-ականների և 2000-ականների հայտնի ֆուտբոլիստներ Դմիտրի Ալենիչևը, Անդրեյ Տիխոնովը և Իգոր Սեմշովը: Նրանք վարպետության դաս անցկացրին երևանյան «Արարատի» ֆուտբոլային ակադեմիայի սաների համար, ինչպես նաև շփվեցին «Ոսկե դուբլ» ֆիլմի հայաստանյան պրեմիերայի հանդիսատեսի հետ։ Ֆիլմը նվիրված է Նիկիտա Սիմոնյանի աշխատանքին Երևանի «Արարատում» և ԽՍՀՄ առաջնությունում ու գավաթում: Պրեմիերայի առթիվ Մոսկվայից բերվել էր նաև ԽՍՀՄ գավաթը, որի վրա երկու անգամ (1973 և 1975 թվականների համար) փորագրված է երևանյան «Արարատի» անունը:Այցը կայացել է Հայաստանում «Ռոսսոտրուդնիչեստվոյի» ներկայացուցչության աջակցությամբ:
2026
Լուրեր
am_HY
https://cdn.am.sputniknews.ru/img/07ea/02/05/98455251_177:0:1600:1067_1920x0_80_0_0_34986b5838539d520a51a36a7ba34eab.jpg.webp
հենրիխ մխիթարյան, ֆուտբոլ, ֆուտբոլիստ, «ռեալ մադրիդ» ֆուտբոլային ակումբ, դմիտրի ալենիչև
հենրիխ մխիթարյան, ֆուտբոլ, ֆուտբոլիստ, «ռեալ մադրիդ» ֆուտբոլային ակումբ, դմիտրի ալենիչև
Հայտնի ռուս ֆուտբոլիստը խոստովանել է, որ Մխիթարյանի խաղից հաճույք է ստանում, իսկ Սպերցյանին կցանկանար տեսնել իսպանական Լա Լիգայում:
Հենրիխի և Դմիտրիի ֆուտբոլային կենսագրություններում կա երկու հատման կետ կա. երկուսն էլ ժամանակին խաղացել են «Ռոմայում», երկուսին էլ ժամանակին մարզել է Ժոզե Մոուրինյուն (ընդ որում՝ Մխիթարյանին՝ երկու թիմերում): Չնայած դրան, նրանք անձամբ ծանոթ չեն, ինչը զարմանալի չէ. Ալենիչևը Հենրիխից 17 տարով մեծ է և ավարտել է իր կարիերան, երբ Մխիթարյանը նոր էր այն սկսում:
«Երբ նա ավարտի խաղալը, իսկ դա վաղ թե ուշ տեղի կունենա, նա հաստատ մասնակցելու է վետերանների հանդիպումներին: Ես նույնպես դեռ խաղում եմ նման խաղերում, այնպես որ, հնարավոր է՝ մենք հանդիպենք դաշտում: Շատ ուրախ կլինեմ նրա հետ ծանոթանալ»,-նշել է Ալենիչևը:
Հենրիխն օժտված է շատ բարձր ֆուտբոլային ինտելեկտով, իսկ դա, Ալենիչևի խոսքով, հենց այն է, ինչ իրեն դուր է գալիս խաղի մեջ:
«Ես նման ֆուտբոլիստներին ուղղակի պաշտում եմ, կարող եմ նույնիսկ այդպիսի բառ օգտագործել: Երբ նայում եմ «Ինտերի» խաղերը, իհարկե, առաջին հերթին նրան եմ հետևում: Պարզապես հաճույք է դիտելը, բավականություն է պատճառում, մոտավորապես այնպես, ինչպես առաջ «Բարսելոնայում» նայում էի Չավիի և Ինյեստայի խաղին»,-ասում է Ալենիչևը:
Նա Մխիթարյանին մաղթում է որքան հնարավոր է երկար պահպանել ներկայիս մակարդակը՝ չնայած տարիքին, հաճույք պատճառել հայ երկրպագուներին և օրինակ ծառայել երիտասարդ ֆուտբոլիստներին։
Ինչ վերաբերում է Սպերցյանին, ապա, «Սպարտակի» և «Պորտուի» աստղի կարծիքով` Էդուարդին ամենից շատ կսազի իսպանական առաջնությունը:
«Նման տեխնիկա ունեցող ֆուտբոլիստների համար, թերևս, ավելի արդյունավետ է խաղալ Իսպանիայի առաջնությունում: Նրա փոխարեն ես Իտալիա չէի գնա: Իհարկե չեմ կարող խորհուրդներ տալ, նրա կողքին կան իր գործակալները, իր ծնողները, ի վերջո նա սեփական գլուխն ունի ուսերին: Բայց, այնուամենայնիվ, իսպանական առաջնությունն ավելի տեխնիկական է, դիտարժան»,-ասել է Ալենիչևը:
Կատարյալ կլիներ իհարկե «Ռեալը» կամ «Բարսելոնան», բայց նույնիսկ եթե Էդուարդը հայտնվի առաջին հնգյակի թիմում, օրինակ՝ «Վիլյառեալում» կամ «Ատլետիկոյում», այդ տարբերակը նույնպես շատ լավ կլինի: Ամենակարևորը, հայտնի ֆուտբոլիստի խոսքով, այն է, որ նա օժտված է այնպիսի որակներով, որոնք թույլ կտան նրան հետագայում առաջընթաց ունենալ:
«Նա դեռ իր ներուժը հարյուր տոկոսով չի բացահայտել, աշխատելու տեղ ունի, և ինքն էլ դա հիանալի հասկանում է»,-նշել է Ալենիչևը:
Նշենք, որ օրերս Հայաստանում էր Ռուսաստանի ֆուտբոլային միության պատվիրակությունը, որի կազմում էին նաև 90-ականների և 2000-ականների հայտնի ֆուտբոլիստներ Դմիտրի Ալենիչևը, Անդրեյ Տիխոնովը և Իգոր Սեմշովը: Նրանք վարպետության դաս անցկացրին երևանյան «Արարատի» ֆուտբոլային ակադեմիայի սաների համար, ինչպես նաև շփվեցին «Ոսկե դուբլ» ֆիլմի հայաստանյան պրեմիերայի հանդիսատեսի հետ։ Ֆիլմը նվիրված է Նիկիտա Սիմոնյանի աշխատանքին Երևանի «Արարատում» և ԽՍՀՄ առաջնությունում ու գավաթում: Պրեմիերայի առթիվ Մոսկվայից բերվել էր նաև ԽՍՀՄ գավաթը, որի վրա երկու անգամ (1973 և 1975 թվականների համար) փորագրված է երևանյան «Արարատի» անունը:
Այցը կայացել է Հայաստանում «Ռոսսոտրուդնիչեստվոյի» ներկայացուցչության աջակցությամբ: