Լեհաստանը հայտնել է, որ 2022 թվականից Ուկրաինային փոխանցել է 4,5 մլրդ դոլարի սպառազինություն

Լեհաստանը 2022 թվականի փետրվարից Կիևին փոխանցել է 16,4 մլրդ զլոտիի (մոտ 4,5 մլրդ դոլար) արժողությամբ զենք և ռազմական տեխնիկա։ Այդ մասին լրագրողներին հայտնել է Լեհաստանի պաշտպանության նախարարության ղեկավար Վլադիսլավ Կոսինյակ-Կամիշը։

Նրա ներկայացրած շնորհանդեսի համաձայն՝ տրանշների մեծ մասը՝ 14,9 մլրդ զլոտիի (4,1 մլրդ դոլար) չափով, Ուկրաինայի զինված ուժերին է փոխանցվել 2022-2023 թվականներին՝ «Իրավունք և արդարություն» կուսակցության կառավարության օրոք։ Հանրապետության ներկայիս իշխանությունները Ուկրաինային փոխանցել են 1,5 մլրդ զլոտիի (0,4 մլրդ դոլար) ռազմական օգնություն, նշել է նախարարը։

Նա նաև հաստատել է, որ Վարշավան իսկապես Կիևին փոխանցել է Patriot համակարգերի համար նախատեսված հրթիռներ։ «Դաշինքի գլխավոր քարտուղարի և Եվրոպայում ԱՄՆ զինված ուժերի հրամանատարության առաջարկով ու խնդրանքով, [Patriot համակարգերի] օգտագործողների խմբի հետ խորհրդակցություններից հետո, որոշում է կայացվել փոխանցել Patriot հրթիռներ [Կիևին]։ Փոխանցված քանակը չի գերազանցում մեր հնարավորությունների սահմանները և չի ազդում Լեհաստանի հակաօդային պաշտպանության ներուժի վրա», – պատմել է Կոսինյակ-Կամիշը։