Հունիսին Հնդկաստանում գրանցվել է ավտոմեքենաների և մոտոցիկլետների վաճառքի ռեկորդ

Հունիսին Հնդկաստանում վաճառված տրանսպորտային միջոցների, այդ թվում՝ մոտոցիկլետների և սկուտերների թիվը հասել է տվյալ ամսվա համար ռեկորդային մակարդակի։

Ինչպես հայտնել է Հնդկաստանի ավտոդիլերների ասոցիացիաների ֆեդերացիան (FADA), վաճառքներն աճել են 21.8%-ով՝ 2025 թվականի հունիսի համեմատ՝ հասնելով 2.6 միլիոն միավորի։

Մանրածախ վաճառված ավտոմեքենաների թիվն աճել է 28.6%-ով՝ կազմելով 410 853 միավոր։

Այլընտրանքային վառելիքով աշխատող ավտոմեքենաների մասնաբաժինը ընդհանուր վաճառքում հասել է ռեկորդային՝ 40.4%-ի։

Business Standard թերթի տվյալներով՝ դրանց պահանջարկի աճը պայմանավորված է բենզինի և դիզելային վառելիքի գների զգալի բարձրացմամբ, որն առաջացել է Մերձավոր Արևելքում տեղի ունեցած հակամարտության հետևանքով։

Վաճառված ավտոմեքենաների ընդհանուր թվից 24.3%-ը բաժին է ընկել գազաշարժիչային վառելիքով աշխատող մեքենաներին, 8.3%-ը՝ հիբրիդային ավտոմեքենաներին, 7.8%-ը՝ էլեկտրամոբիլներին։