ԵՐԵՎԱՆ, ՀՈՒԼԻՍԻ 5, 24News
Անկարայում կայանալիք ՆԱՏՕ-ի գագաթնաժողովի հիմնական թեմաները կլինեն Եվրատլանտյան տարածաշրջանի, Ուկրաինայի և դաշինքի հարավային թևի առջև ծառացած սպառնալիքներն ու մարտահրավերները, սոցիալական ցանցերում հայտարարել է Թուրքիայի նախագահի աշխատակազմի հաղորդակցության վարչության ղեկավար Բուրհանեթթին Դուրանը։
«Առաջնորդները ռազմավարական մակարդակով կարծիքներ կփոխանակեն Եվրատլանտյան տարածաշրջանի առջև ծառացած սպառնալիքների, ռիսկերի և մարտահրավերների վերաբերյալ. կքննարկվեն Ուկրաինայում ստեղծված իրավիճակը և դաշինքի հարավային թևում տեղի ունեցած վերջին զարգացումները», – գրել է նա։
Դաշինքի անդամները նաև պլանավորում են գնահատել պաշտպանական ներդրումները մեծացնելու որոշմանը համապատասխան ձեռնարկված քայլերը։
Հիշեցնենք՝ ՆԱՏՕ-ի գագաթնաժողովը տեղի կունենա Անկարայում հուլիսի 7-8-ը։ Գագաթնաժողովին նախապատրաստվելու համար դաշինքի երկրների ներկայացուցիչները երեքշաբթի օրը հանդիպել են Բրյուսելում՝ քննարկելու, ի թիվս այլ հարցերի, առաջիկա գագաթնաժողովի եզրափակիչ հռչակագրի նախագիծը։
–00—ՅՄ