Քիշնեւի «Ռուսական տունը» կդադարեցնի իր գործունեությունը հուլիսի 4-ին, հայտարարել է «Ռոսսոտրուդնիչեստվո»-ի ղեկավար Իգոր Չայկան։
Համապատասխան հոդվածը հրապարակվել է գործակալության կայքում։
Չայկայի խոսքով՝ այս որոշումը պայմանավորված է Մոլդովայի արտաքին գործերի նախարարության կողմից մշակութային կենտրոնների ստեղծման և գործունեության վերաբերյալ միջկառավարական համաձայնագրի երկարաձգման անկարողությամբ։ Խոսքը վերաբերում է 1998 թվականին ստորագրված փաստաթղթին։
«Ռոսսոտրուդնիչեստվո»-ի ղեկավարը վստահություն է հայտնել, որ մոլդովացիների հետաքրքրությունը ռուսաց լեզվի, մշակույթի, գիտության և կրթության նկատմամբ կշարունակվի։
Նրա խոսքով՝ «Ռուսական տան» ներկայացուցիչը կշարունակի աշխատել Մոլդովայում Ռուսաստանի դեսպանատանը, և «Ռոսսոտրուդնիչեստվո»-ի ներկայության շարունակության հարցը դեռևս քննարկման փուլում է։