https://arm.sputniknews.ru/20260702/aatsn-ardzaganqel-e-rvobert-qvocharjani-veraberjal-kadreri-artahvosqi-khndrin-104105583.html
ԱԱԾ–ն արձագանքել է Ռոբերտ Քոչարյանի վերաբերյալ կադրերի արտահոսքի խնդրին
ԱԱԾ–ն արձագանքել է Ռոբերտ Քոչարյանի վերաբերյալ կադրերի արտահոսքի խնդրին
Sputnik Արմենիա
Ծառայությունը վկայակոչել է «Ազգային անվտանգության մարմինների մասին» օրենքի 15-րդ հոդվածը։ 02.07.2026, Sputnik Արմենիա
2026-07-02T18:51+0400
2026-07-02T18:51+0400
2026-07-02T18:52+0400
հայաստան
նիկոլ փաշինյան
հհ ազգային անվտանգության ծառայություն. աած
ռոբերտ քոչարյան
https://cdn.am.sputniknews.ru/img/07e8/01/1b/71589365_0:32:1301:763_1920x0_80_0_0_2726f94ba54a1c27827c2b66af6c906f.jpg.webp
ԵՐԵՎԱՆ, 2 հուլիսի – Sputnik. ՀՀ ազգային անվտանգության ծառայությունը ՀՀ երկրորդ նախագահ Ռոբերտ Քոչարյանի՝ «Զվարթնոց» օդանավակայանի հատուկ վերահսկվող տարածքում արված կադրերի արտահոսքի առնչությամբ փաստացի կրկնել է վարչապետ Նիկոլ Փաշինյանի հայտարարությունը։ Այս մասին գրում է NEWS.am–ը, որը տեսագրության արտահոսքի օրինականության վերաբերյալ գրավոր հարցում է ուղարկել ԱԱԾ։Հունիսի 14-ի երեկոյան հայտնի դարձավ, որ Քոչարյանին «Զվարթնոց» օդանավակայանում թույլ չեն տվել մեկնել երկրից։ Կարճ ժամանակ անց իշխանական ԶԼՄ-ներում տարածվեցին կադրեր, որոնք նկարահանված էին ԱԱԾ սահմանապահ զորքերի հսկիչ-անցագրային կետի խցիկում տեղադրված տեսախցիկով։ ՀՀ վարչապետ Նիկոլ Փաշինյանը, հունիսի 18-ին անդրադառնալով այդ կադրերի արտահոսքին, հայտարարեց, որ ԱԱԾ աշխատակիցը կարող է որոշել ցանկացած բան՝ արտահոսի, թե չարտահոսի։NEWS.am–ը տեսագրության արտահոսքի հետ կապված մի քանի հարց է ուղղել ԱԱԾ–ին։ Հստակ հարցերին պատասխանելու փոխարեն ԱԱԾ-ն պարզապես հղում է արել «Ազգային անվտանգության մարմինների մասին» օրենքի 15-րդ հոդվածին, որում սահմանված են ազգային անվտանգության մարմինների լիազորությունները և պատվիրակված գործառույթների իրականացումը:NEWS.am–ը հիշեցրել է ԱԱԾ-ի վկայակոչած «Ազգային անվտանգության մարմինների մասին» օրենքի 7-րդ հոդվածը, որում հստակ ամրագրված է, որ ազգային անվտանգության մարմինների գործունեության ընթացքում ստացված՝ անձի անձնական և ընտանեկան կյանքի մասին տեղեկությունները ազգային անվտանգության մարմինները, առանց քաղաքացու համաձայնության, իրավունք չունեն հավաքել, պահել, օգտագործել կամ տարածել։Հիշեցնենք` հունիսի 15-ին ՀՀ ԱԺ «Հայաստան» խմբակցության պատգամավոր Գեղամ Մանուկյանը նամակով դիմեց ԱԱԾ տնօրեն Անդրանիկ Սիմոնյանին՝ պարզելու, թե ինչպես են ՀՀ երկրորդ նախագահ Ռոբերտ Քոչարյանի՝ հատուկ վերահսկվող տարածքում նկարահանված կադրերը հայտնվել իշխանական ԶԼՄ-ներում, արդյոք նշանակվել է ծառայողական քննություն, թե ոչ։
2026
Լուրեր
am_HY
https://cdn.am.sputniknews.ru/img/07e8/01/1b/71589365_48:0:1065:763_1920x0_80_0_0_aaa3f6cfc6a21bb9d9e391ccf18a5452.jpg.webp
հայաստան, նիկոլ փաշինյան, հհ ազգային անվտանգության ծառայություն. աած, ռոբերտ քոչարյան
հայաստան, նիկոլ փաշինյան, հհ ազգային անվտանգության ծառայություն. աած, ռոբերտ քոչարյան
Ծառայությունը վկայակոչել է «Ազգային անվտանգության մարմինների մասին» օրենքի 15-րդ հոդվածը։
NEWS.am–ը տեսագրության արտահոսքի հետ կապված մի քանի հարց է ուղղել ԱԱԾ–ին։ Հստակ հարցերին պատասխանելու փոխարեն ԱԱԾ-ն պարզապես հղում է արել «Ազգային անվտանգության մարմինների մասին» օրենքի 15-րդ հոդվածին, որում սահմանված են ազգային անվտանգության մարմինների լիազորությունները և պատվիրակված գործառույթների իրականացումը:
«ԱԱԾ-ից, սակայն, չեն հստակեցրել, թե հոդվածում ամրագրված 66 կետերից որն է համապատասխանում տվյալ օրը ԱԱԾ-ի կողմից իրականացված գործառույթներին»,– գրել է լրատվամիջոցը։
NEWS.am–ը հիշեցրել է ԱԱԾ-ի վկայակոչած «Ազգային անվտանգության մարմինների մասին» օրենքի 7-րդ հոդվածը, որում հստակ ամրագրված է, որ ազգային անվտանգության մարմինների գործունեության ընթացքում ստացված՝ անձի անձնական և ընտանեկան կյանքի մասին տեղեկությունները ազգային անվտանգության մարմինները, առանց քաղաքացու համաձայնության, իրավունք չունեն հավաքել, պահել, օգտագործել կամ տարածել։
«Ամենաուշագրավը, թերևս, ԱԱԾ-ի տրամադրված պաշտոնական գրության մեջ տեղ գտած հետևյալ ձևակերպումն է. «Միաժամանակ ՀՀ ազգային անվտանգության ծառայությունն իրավասու է որևէ նպատակով հրապարակել իր կողմից տնօրինվող տեղեկատվությունը։ Այս պատասխանով ԱԱԾ-ն, ըստ էության, դե յուրե կրկնել է ՀՀ վարչապետ Նիկոլ Փաշինյանի՝ հունիսի 18-ին արված պարզաբանումը»,- գրել է կայքը։