Քաղաքականություն
02.07.2026 | 12:50
Ազգային ժողովի նախագահ Ալեն Սիմոնյանը չի պատրաստվում վերցնել պատգամավորական մանդատը և չի շարունակի գործունեությունը խորհրդարանում որպես պատգամավոր։ Այս մասին Factor TV-ի հարցին ի պատասխան հայտարարեց Սիմոնյանը։
Ըստ Սիմոնյանի՝ որոշումը կայացվել է կուսակցության վարչության և վարչապետի հետ քննարկումների արդյունքում։
Չնայած նա նախկինում ցանկություն էր հայտնել շարունակել պաշտոնավարումը որպես ԱԺ նախագահ, սակայն նշեց, որ ենթարկվում է թիմի որոշմանը և որևէ նեղվածություն չունի։
«Ուզում եմ մի քիչ հանգստանալ, ինձ համար անկեղծ շատ աշխատանքային ծանր հինգ տարի էր»,- նշել է նա։
Նա նաև ցանկություն է հայտնել ժամանակ տրամադրել անձնական կյանքի կարգավորմանը։
Անդրադառնալով իր քաղաքական ապագային՝ Ալեն Սիմոնյանը շեշտել է, որ այս պահին որևէ նոր պաշտոնի վերաբերյալ պայմանավորվածություն չունի, սակայն մնում է Նիկոլ Փաշինյանի թիմակիցը։
«Ես ինձ չեմ տեսնում երբևիցե առանց Նիկոլ Փաշինյանի որևէ քաղաքական պրոցեսում»,- հայտարարել է նա։
Մանարամասները՝ տեսանյութում։