Վրաստանը, որպես նախագահող երկիր, 2026 թվականին հյուրընկալում է Սևծովյան տնտեսական համագործակցության կազմակերպության խորհրդարանական վեհաժողովի լիագումար նիստը։
Շալվա Պապուաշվիլին վեց ամիս շարունակ կղեկավարի Վեհաժողովը։ Իր ելույթում Պապուաշվիլին նշել է Վրաստանի գլխավոր առաջնահերթություններն այդ կառույցում, անդրադառնալով նաև հայ-ադրբեջանական հարաբերություններին։
«Հայաստանի և Ադրբեջանի միջև շարունակվող խաղաղության գործընթացը, ինչպես նաև Թուրքիայի և Հայաստանի միջև հարաբերությունների կարգավորմանն ուղղված ջանքերը հեռանկարներ են ստեղծում ընդհանուր առմամբ մեր տարածաշրջանում առավել մեծ կայունության ու համագործակցության համար և շատ հուսադրող են»,- ասել է նա։