Press TV-ի հաղորդմամբ՝ Իրանի արտաքին գործերի նախարար Աբբաս Արաղչին հայտարարել է, որ Թեհրանն աջակցում է Պարսից ծոցի երկրների հետ համագործակցության գաղափարին՝ տարածաշրջանային անվտանգությունն ապահովելու համար։
«Իրանը հաստատել է իր պատրաստակամությունը՝ երկխոսություն սկսել Պարսից ծոցի ափամերձ պետությունների հետ՝ ստեղծելու անկախ, կոնսենսուսի վրա հիմնված և արտաքին ռազմական միջամտությունից զերծ կոլեկտիվ անվտանգության մեխանիզմ»,- հաղորդում է լրատվալան գործակալությունը։
Հեռուստաալիքը ճշտել է, որ Արաղչին այս հայտարարությունն արել է Բաղդադում, որտեղ հանդիպել է Իրաքի նախագահ Նիզար Ամեդիի, Իրաքի խորհրդարանի խոսնակ Հայբաթ ալ Հալբուսիի և ազգային անվտանգության հարցերով խորհրդական Քասիմ ալ Արաջիի հետ։
Իրանի արտաքին գործերի նախարարը «կոչ է արել տարածաշրջանային անվտանգությանը նոր մոտեցում ցուցաբերել»՝ հիմնված «համագործակցության և փոխադարձ վստահության» վրա։
Խոսելով Հորմուզի նեղուցի ապագա կառավարման մասին՝ Արաղչին ընդգծել է, որ Իրանը «կձեռնարկի անհրաժեշտ միջոցներ՝ համաձայն իր պարտավորությունների և Միացյալ Նահանգների հետ փոխըմբռնման հուշագրի դրույթների, կշարունակի համագործակցությունն Օմանի հետ՝ որպես հարևան ափամերձ պետության, ինչպես նաև երկխոսությունը տարածաշրջանի մյուս երկրների հետ»,- նշել է հեռուստաալիքը։