Ավստրիայի կոմունիստական կուսակցությունը (KPÖ) հաղթել է հունիսի 28-ին երկրի Գրաց քաղաքում կայացած քաղաքային խորհրդի ընտրությունում: Կոմունիստները ստացել են ձայների 35,63 տոկոսը՝ ստանալով քաղաքային խորհրդի 48 տեղից 18-ը:
Սա KPÖ-ի երկրորդ անընդմեջ հաղթանակն է Գրացի քաղաքային ընտրությունում՝ 2021 թվականի քվեարկության անսպասելի արդյունքներից հետո: Ավելին՝ կոմունիստները ոչ միայն հաստատել են իրենց ժողովրդականությունը բնակիչների շրջանում, այլև մեծացրել են իրենց աջակցության բազան վերջին հինգ տարվա ընթացքում. 2021 թվականին KPÖ-ն ստացել է ձայների 28,84 տոկոսը:
Վերլուծաբանները նշում են, որ չնայած կոմունիստները ժողովրդականություն են վայելում երկրի երկրորդ խոշոր քաղաքում, բայց ավելի քան 60 տարի չեն կարողանում հաղթահարել Ավստրիայի խորհրդարան մտնելու շեմը: