Իսրայելը Գոլանի բարձունքների մոտ գտնվող գյուղ է հրետակոծել. Սիրիայի ԱԳՆ–ն դատապարտել է

Բաժանորդագրվել

Դամասկոսը Իսրայելի հարձակումները անվանել է Սիրիայի ինքնիշխանության և տարածքային ամբողջականության կոպիտ խախտում։

Իսրայելական ուժերը հրետանային հարված են հասցրել Դերաա նահանգի (Սիրիա) արևմտյան մասում գտնվող Աբիդին գյուղին։ Այս մասին հայտնում է SANA գործակալությունը։

Նշվում է, որ իսրայելական ռազմական ավիացիոն թռիչքներ են կատարում Քունեյտրա և Դերաա նահանգների գյուղական տարածքների վրա։

Հրետակոծված տարածքները գտնվում են Սիրիայի հարավում՝ Իսրայելի կողմից օկուպացված Գոլանի բարձունքների մոտ։

Դամասկոսն արդեն արձագանքել է հարձակումներին։ Սիրիայի ԱԳՆ–ն վճռականորեն դատապարտել է Իսրայելի գործողությունները Քունեյտրա և Դերաա նահանգներում՝ հայտարարելով, որ Իսրայելի ներխուժումը և խաղաղ տարածքների հրետակոծությունը ահաբեկում են քաղաքացիական բնակչությանը։

Նախարարությունը նշել է, որ այս հարձակումները Սիրիայի ինքնիշխանության և տարածքային ամբողջականության կոպիտ խախտում են և հակասում են միջազգային իրավունքին, ՄԱԿ-ի կանոնադրությանը և 1974 թվականի Ուժերի տարանջատման մասին համաձայնագրին։

Leave a comment