ԱՄՆ նախագահ Դոնալդ Թրամփի ազգային անվտանգության հարցերով նախկին խորհրդական, նախագահի հայտնի քննադատ Ջոն Բոլթոնը դաշնային դատարանում մեղավոր է ճանաչել իրեն ազգային անվտանգությանն առնչվող գաղտնի տեղեկատվությունն ապօրինի պահելու մեղադրանքի մեկ դրվագով։ Այս մասին հայտնում է Reuters-ը։
Բոլթոնը համապատասխան հայտարարությունն արել է Մերիլենդ նահանգի դաշնային դատարանում կայացած դատական նիստի ընթացքում։
Մեղադրանքի ընդունման համաձայնագրի շրջանակում Բոլթոնին սպառնում է մինչև հինգ տարվա ազատազրկում։ Նա նաև համաձայնել է վճարել 2,25 միլիոն դոլարի տուգանք։
Դատավճռի հրապարակումը նշանակված է հոկտեմբերի 28-ին։