https://arm.sputniknews.ru/20260626/vardan-ghukasjani-nkatmamb-4rd-hanrajin-qreakan-hetapndumn-e-harucvel-103877843.html
Վարդան Ղուկասյանի նկատմամբ 4–րդ հանրային քրեական հետապնդումն է հարուցվել
Վարդան Ղուկասյանի նկատմամբ 4–րդ հանրային քրեական հետապնդումն է հարուցվել
Sputnik Արմենիա
Գյումրու համայնքապետը դատարանի դահլիճում պատասխանել է լրագրողների հարցերին ու չի ենթարկվել իրեն ուղեկցող ոստիկանի պահանջին։ 26.06.2026, Sputnik Արմենիա
2026-06-26T13:35+0400
2026-06-26T13:35+0400
2026-06-26T13:35+0400
ոստիկան
վարդան ղուկասյան
հհ քննչական կոմիտե
մեղադրանք
գյումրի
քաղաքապետ
https://cdn.am.sputniknews.ru/img/07e9/0b/12/95971621_0:77:1268:790_1920x0_80_0_0_aab782902a989fb19afad31751bcf684.jpg.webp
ԵՐԵՎԱՆ, 26 հունիսի – Sputnik. Գյումրու համայնքապետ Վարդան Ղուկասյանի նկատմամբ 4–րդ հանրային քրեական հետապնդումն է հարուցվել։ Տեղեկությունը հայտնում է ՀՀ քննչական կոմիտեն։Կոմիտեից հայտնում են, որ այս տարվա մայիսի 27–ին ՀՀ հակակոռուպցիոն քրեական դատարանում Ղուկասյանը միջամտել է պաշտոնատար անձի օրինական ծառայողական գործունեությանը։ Մասնավորապես, դատական նիստի ավարտից անմիջապես հետո Ղուկասյանը փորձել է պատասխանել լրագրողների հարցերին և հրաժարվել է կատարել ոստիկանի՝ դատական նիստի ավարտից հետո կալանավորված անձանց պահելու համար նախատեսված դատարանի խուց տեղափոխվելու օրինական պահանջը: Քննիչի միջնորդության հիման վրա հունիսի 25–ին հսկող դատախազը Ղուկասյանի նկատմամբ հարուցել է հանրային քրեական հետապնդում՝ ՀՀ քրեական օրենսգրքի 452–րդ հոդվածի 3–րդ մասով (պաշտոնատար անձի օրինական ծառայողական գործունեությանը միջամտելը):Քրեական վարույթի նախաքննությունը շարունակվում է:Հիշեցնենք՝ հոկտեմբերի 20-ին ուժայինները ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Հոկտեմբերի 21-ի առավոտյան Գյումրու համայնքապետ Վարդան Ղուկասյանը կալանավորվեց 2 ամսով։ Դեկտեմբերի 17-ին նրա կալանքը երկարաձգեց ևս 3 ամիս ժամկետով:Մինչ այդ` հոկտեմբերի 26-ին, հայտնի դարձավ, որ Ղուկասյանին նոր մեղադրանք է առաջադրվել Հայաստանի` այլ երկրների հետ միություն կազմելու վերաբերյալ մտքերի համար։ ՔԿ–ն նոյեմբերի 21-ին հայտնեց, որ նրա նկատմամբ հանրային քրեական հետապնդում է հարուցվել նաև ՔՕ 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը)։Փաստաբան Արամայիս Հայրապետյանը դեկտեմբերի 30-ին հայտնեց, որ Վարդան Ղուկասյանի նկատմամբ քրեական հետապնդումը 2 հոդվածով դադարեցվում է։Այս տարվա հունիսի 5–ին հայտնի դարձավ, որ Ղուկասյանի նկատմամբ իշխանությունը յուրացնելու նախապատրաստության մեղադրանք է ներկայացվել։
գյումրի
2026
Լուրեր
am_HY
https://cdn.am.sputniknews.ru/img/07e9/0b/12/95971621_60:0:1189:847_1920x0_80_0_0_3dfc5f047fc3badac1d2d1c518447e7f.jpg.webp
ոստիկան, վարդան ղուկասյան, հհ քննչական կոմիտե, մեղադրանք, գյումրի, քաղաքապետ
ոստիկան, վարդան ղուկասյան, հհ քննչական կոմիտե, մեղադրանք, գյումրի, քաղաքապետ
Գյումրու համայնքապետը դատարանի դահլիճում պատասխանել է լրագրողների հարցերին ու չի ենթարկվել իրեն ուղեկցող ոստիկանի պահանջին։
Կոմիտեից հայտնում են, որ այս տարվա մայիսի 27–ին ՀՀ հակակոռուպցիոն քրեական դատարանում Ղուկասյանը միջամտել է պաշտոնատար անձի օրինական ծառայողական գործունեությանը։
Մասնավորապես, դատական նիստի ավարտից անմիջապես հետո Ղուկասյանը փորձել է պատասխանել լրագրողների հարցերին և հրաժարվել է կատարել ոստիկանի՝ դատական նիստի ավարտից հետո կալանավորված անձանց պահելու համար նախատեսված դատարանի խուց տեղափոխվելու օրինական պահանջը:
«Այնուհետև, երբ ոստիկանը փորձել է ուղեկցել Ղուկասյանին, նա բռնություն՝ ֆիզիկական ներգործություն է գործադրել ոստիկանի նկատմամբ՝ միջամտելով պաշտոնատար անձի օրինական ծառայողական գործունեությանը»,– ասված է հաղորդագրության մեջ:
Քննիչի միջնորդության հիման վրա հունիսի 25–ին հսկող դատախազը Ղուկասյանի նկատմամբ հարուցել է հանրային քրեական հետապնդում՝ ՀՀ քրեական օրենսգրքի 452–րդ հոդվածի 3–րդ մասով (պաշտոնատար անձի օրինական ծառայողական գործունեությանը միջամտելը):
Քրեական վարույթի նախաքննությունը շարունակվում է: