18:37 25.06.2026 (Թարմացված է: 18:38 25.06.2026)
Բաժանորդագրվել
Աղբյուրի խոսքով՝ հարվածը եղել է Զաուտար գյուղի մերձակայքում։
ԵՐԵՎԱՆ, 25 հունիսի – Sputnik. Իսրայելական ԱԹՍ–ն Լիբանանի հարավում ավտոմեքենայի է հարվածել, ինչի հետևանքով 3 մարդ է զոհվել, ևս 1-ը` տուժել։ Այս մասին հայտնում է ՌԻԱ Նովոստին՝ հղում անելով Լիբանանի շտապօգնության ծառայությունում իր աղբյուրին:
«Դեպքը տեղի է ունեցել Զաուտար գյուղի մերձակայքում»,– ասել է աղբյուրը:
Լիբանանի առողջապահության նախարարությունը հունիսի 23-ին հայտնել էր, որ մարտի 2-ին սկսված էսկալացիայից ի վեր երկրում Իսրայելի հարձակումների հետևանքով զոհերի ընդհանուր թիվը հասել է 4192-ի, ավելի քան 12 հազար մարդ վնասվածքներ են ստացել։
Իսրայելը և «Հզբոլլահ» շարժումն ավելի վաղ հրադադարի համաձայնություն էին ձեռք բերել, որը պետք է ուժի մեջ մտներ հունիսի 19-ին` ժամը 16:00-ին: Լիբանանյան ռազմադաշտային աղբյուրը հունիսի 19-ին ՌԻԱ Նովոստիին հայտնել էր, որ իսրայելական ավիացիան շարունակում է հարվածներ հասցնել Լիբանանի հարավին։