ՀՀ փոխվարչապետ Մհեր Գրիգորյանն ընդունել է Վերակառուցման և զարգացման եվրոպական բանկի (ՎԶԵԲ) նորանշանակ և առաքելությունն ավարտող Կովկասի տարածաշրջանային տնօրեններին, ինչպես նաև Հայաստանյան ներկայացուցչության ղեկավարներին։ Այս մասին հայտնում են ՀՀ Կառավարության մամուլի ծառայությունից։
Կադրային փոփոխություններ և նոր ռազմավարական սպասումներ Հանդիպման ընթացքում փոխվարչապետ Մհեր Գրիգորյանը շնորհավորել է Թոմաս Կայրիսին և Ռեմոն Զաքարիային նոր պաշտոններում նշանակվելու կապակցությամբ։ Նա հույս է հայտնել, որ կառույցի ղեկավարության փոփոխությունից հետո ևս Հայաստանի և բանկի միջև համատեղ իրականացվող ռազմավարական նախագծերը կպահպանեն իրենց դինամիկան և ավելի կընդլայնվեն։
Արդյունավետ գործընկերության ամփոփում Կառավարության փոխնախագահը բարձր է գնահատել ՀՀ գործադիրի և ՎԶԵԲ-ի միջև տարիների ընթացքում ձևավորված ամուր ու արդյունավետ համագործակցությունը։ Մհեր Գրիգորյանը հատուկ շնորհակալություն է հայտնել առաքելությունն ավարտող պաշտոնյաներին՝ Ալկիս Դրակինոսին և Ջորջ Ախալկացիին, Հայաստանի պետական կառույցների, ինչպես նաև տեղական մասնավոր հատվածի հետ իրականացված արդյունավետ, կարևոր և ծավալուն աշխատանքի համար։
Հիշեցնենք, որ ՎԶԵԲ-ը հանդիսանում է Հայաստանի խոշորագույն ինստիտուցիոնալ ներդրողներից մեկը, որի ծրագրերն ուղղված են ենթակառուցվածքների արդիականացմանը, ֆինանսական համակարգի կայունությանը և փոքր ու միջին ձեռնարկատիրության (ՓՄՁ) զարգացմանը։