Ռոնալդուն դարձավ առաջին ֆուտբոլիստը, որը գոլ է խփել աշխարհի 6 առաջնությունում

Բաժանորդագրվել

2022 թվականին Ռոնալդուն դարձել էր առաջին խաղացողը, որը գոլ էր խփել աշխարհի հինգ տարբեր առաջնություններում՝ գերազանցելով բրազիլացի Պելեին։

ԵՐԵՎԱՆ, 23 հունիսի – Sputnik. Պորտուգալիայի հավաքականի հարձակվող Կրիշտիանու Ռոնալդուն ֆուտբոլի աշխարհի առաջնությունների ռեկորդ է սահմանել՝ գոլի հեղինակ դառնալով աշխարհի վեց առաջնությունում։ Այս մասին գրում է ՌԻԱ Նովոստին։

Այսօր Պորտուգալիայի հավաքականը Հյուսթոնում հանդիպում է Ուզբեկստանի թիմի հետ՝ ԱՄՆ-ում, Մեքսիկայում և Կանադայում ընթացող աշխարհի առաջնության K խմբի երկրորդ տուրի շրջանակում։ Ռոնալդուն աչքի է ընկել հանդիպման վեցերորդ րոպեին։ Նախորդ տարիներին պորտուգալացին գոլ էր խփել 2006 (1 գոլ), 2010 (1), 2014 (1), 2018 (4) և 2022 (1) թվականների աշխարհի առաջնություններում։

2022 թվականին Ռոնալդուն դարձել էր առաջին խաղացողը, որը գոլ էր խփել աշխարհի հինգ տարբեր առաջնություններում՝ գերազանցելով բրազիլացի Պելեի, ինչպես նաև գերմանացիներ Միրոսլավ Կլոզեի և Ուվե Զեելերի ձեռքբերումները, որոնք աչքի էին ընկել աշխարհի չորս առաջնություններում։

Աշխարհի առաջնությունը կավարտվի հուլիսի 19-ին։

Ռոնալդուն հայտարարել է, որ պատկանում է Սաուդյան Արաբիային

Leave a comment