https://arm.sputniknews.ru/20260623/irany-hamadzajnel-e-vor-ir-mijukajin-objektnerum-stugumner-anckacven-tramp-103761689.html
Իրանը համաձայնել է, որ իր միջուկային օբյեկտներում ստուգումներ անցկացվեն. Թրամփ
Իրանը համաձայնել է, որ իր միջուկային օբյեկտներում ստուգումներ անցկացվեն. Թրամփ
Sputnik Արմենիա
Թրամփի գնահատմամբ՝ Իրանը կանգնած է հումանիտար ճգնաժամի առաջ։ 23.06.2026, Sputnik Արմենիա
2026-06-23T16:36+0400
2026-06-23T16:36+0400
2026-06-23T16:36+0400
ամն
իրանի իսլամական հանրապետություն
դոնալդ թրամփ
https://cdn.am.sputniknews.ru/img/07ea/04/0b/100887035_0:320:3072:2048_1920x0_80_0_0_bdffe509e45a3d69f6b67031e73966c3.jpg.webp
ԵՐԵՎԱՆ, 23 հունիսի – Sputnik. ԱՄՆ նախագահ Դոնալդ Թրամփը հայտարարել է` Իրանը համաձայնություն է տվել, որ իր միջուկային օբյեկտներում ստուգումներ անցկացվեն:«Իրանը լիովին համաձայնել է ամենաբարձր մակարդակի և երկարաժամկետ (մինչև անսահմանություն) ստուգումներին… Եթե նրանք համաձայնություն չտային, հետագա բանակցություններ չէին լինի»,- ասել է նա:Թրամփի խոսքով՝ ինքը Իրանի իշխանությունների կողմից նման զիջումների շնորհիվ է համաձայնել չեղարկել իրանական նավահանգիստների շրջափակումը:«Բայց բոլոր նավերը մնում են տեղում, եթե շրջափակումը վերսկսելու անհրաժեշտություն լինի, ինչն այս պահին չափազանց անիրատեսական է թվում», – ասել է ԱՄՆ նախագահը:Թրամփը նաև հավաստիացրել է, որ ԱՄՆ-ն վերահսկում է պատժամիջոցների չեղարկման և Իրանին միջոցներ փոխանցելու գործընթացը, և որ միջոցները կօգտագործվեն բացառապես ամերիկյան արտադրողներից գյուղատնտեսական և բժշկական պարագաներ գնելու համար։ Իրանը կգնի եգիպտացորեն, ցորեն և սոյա, որոնց կարիքը, ամերիկյան առաջնորդի խոսքով, Իրանը խիստ ունի:Թրամփի գնահատմամբ՝ Իրանը կանգնած է հումանիտար ճգնաժամի առաջ, և երկրին պետք է օգնություն ցուցաբերել:Հիշեցնենք` Իրանն ու ԱՄՆ-ն հունիսի 18-ի գիշերը հեռավար ձևաչափով հուշագիր են ստորագրել, որի նպատակն է դադարեցնել փետրվարի 28-ին սկսված ռազմական հակամարտությունը: Հուշագիրը նաև ժամկետ է սահմանում, թե երբ ԱՄՆ-ն կվերացնի ծովային շրջափակումը, իսկ Իրանը կվերականգնի Հորմուզի նեղուցի նավարկությունը:Իրանն ու ԱՄՆ–ն վերջնական պայմանագրի պատրաստման մեխանիզմ են ստեղծել. հայտարարություն
ամն
իրանի իսլամական հանրապետություն
2026
Լուրեր
am_HY
https://cdn.am.sputniknews.ru/img/07ea/04/0b/100887035_232:0:2963:2048_1920x0_80_0_0_16ca23307c8fcb49f411a12e28b54556.jpg.webp
ամն, իրանի իսլամական հանրապետություն, դոնալդ թրամփ
ամն, իրանի իսլամական հանրապետություն, դոնալդ թրամփ
Թրամփի գնահատմամբ՝ Իրանը կանգնած է հումանիտար ճգնաժամի առաջ։
ԵՐԵՎԱՆ, 23 հունիսի – Sputnik. ԱՄՆ նախագահ Դոնալդ Թրամփը հայտարարել է` Իրանը համաձայնություն է տվել, որ իր միջուկային օբյեկտներում ստուգումներ անցկացվեն:
«Իրանը լիովին համաձայնել է ամենաբարձր մակարդակի և երկարաժամկետ (մինչև անսահմանություն) ստուգումներին… Եթե նրանք համաձայնություն չտային, հետագա բանակցություններ չէին լինի»,- ասել է նա:
Թրամփի խոսքով՝ ինքը Իրանի իշխանությունների կողմից նման զիջումների շնորհիվ է համաձայնել չեղարկել իրանական նավահանգիստների շրջափակումը:
«Բայց բոլոր նավերը մնում են տեղում, եթե շրջափակումը վերսկսելու անհրաժեշտություն լինի, ինչն այս պահին չափազանց անիրատեսական է թվում», – ասել է ԱՄՆ նախագահը:
Թրամփը նաև հավաստիացրել է, որ ԱՄՆ-ն վերահսկում է պատժամիջոցների չեղարկման և Իրանին միջոցներ փոխանցելու գործընթացը, և որ միջոցները կօգտագործվեն բացառապես ամերիկյան արտադրողներից գյուղատնտեսական և բժշկական պարագաներ գնելու համար։ Իրանը կգնի եգիպտացորեն, ցորեն և սոյա, որոնց կարիքը, ամերիկյան առաջնորդի խոսքով, Իրանը խիստ ունի:
Թրամփի գնահատմամբ՝ Իրանը կանգնած է հումանիտար ճգնաժամի առաջ, և երկրին պետք է օգնություն ցուցաբերել: