Պետական եկամուտների կոմիտեն հրապարակել է 2026թ. հունվար-մարտ ամիսների Հայաստանի 1,000 խոշոր հարկ վճարողների կողմից վճարված հարկերի և տուրքերի ցուցանիշները։ Այս մասին «Բիզնես 24»-ը տեղեկանում է ՊԵԿ-ից։
2026թ. հունվար-մարտ ամիսներին 1000 խոշոր հարկատուների կողմից մուծված ավելացված արժեքի հարկի ծավալը 210,049 մլն դրամ է, որը կազմել է ընդհանուր հարկային մուտքերի շուրջ 45․7% (-3․4 տոկոսային կետ): 2025թ. նույն ժամանակահատվածում այս ցուցանիշը կազմել էր 201,288 մլն դրամ կամ ընդհանուր հարկերի 49․2%: Այսպիսով, այս տարվա հունվար-մարտ ամիսներին մուծված ավելացված արժեքի հարկի ծավալն աճել է շուրջ 8․76 մլրդ դրամով կամ 4․4%-ով։
Առաջատար 10 ըներությունները ավելացված արժեքի հարկի ծավալով
Մոբայլ Սենթր Արթը այս տարվա հունվար-մարտ ամիսներին մուծել է մոտ 20․33 մլրդ դրամ ավելացված արժեքի հարկ։ 2025թ. ցուցանիշը կազմել էր 15․72 մլրդ դրամ, գրանցվել է 4․61 մլրդ դրամ կամ 29․3% աճ։ Ընկերության դիրքը բարձրացել է 1 հորիզոնակով։ Ավելացված արժեքի հարկը կազմել է ընկերության ընդհանուր մուտքերի 95․1%։
Գազպրոմ Արմենիան այս հունվար-մարտ ամիսներին մուծել է 17․7 մլրդ դրամ ավելացված արժեքի հարկ։ 2025թ. ցուցանիշը կազմել էր 17․78 մլրդ դրամ, գրանցվել է 0․07 մլրդ դրամ կամ 0․4% անկում։ Նախորդ տարի կազմակերպությունը զբաղեցրել էր առաջին հորիզոնականը։ Ավելացված արժեքի հարկը կազմել է ընկերության ընդհանուր մուտքերի 89․6%։
ԻՄՎԲԱՄ-ն այս տարվա հունվար-մարտ ամիսներին մուծել է 6․33 մլրդ դրամ ավելացված արժեքի հարկ։ 2025թ. ցուցանիշը կազմել էր մոտ 290 մլն դրամ, գրանցվել է 6․04 մլրդ դրամ կամ 20․8 անգամ աճ։ Ընկերության դիրքը բարձրացել է 126 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 92․5%։
Սիթին այս տարվա հունվար-մարտ ամիսներին մուծել է 3․66 մլրդ դրամ ավելացված արժեքի հարկ։ 2025թ. ցուցանիշը կազմել էր մոտ 3․2 մլրդ դրամ, գրանցվել է 454․4 մլն դրամ կամ 14․2% աճ։ Կազմակերպության դիրքը բարձրացել է 2 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 59․2%։
Գրանդ Տոբակոն այս տարվա հունվար-մարտ ամիսներին մուծել է 3․16 մլրդ դրամ ավելացված արժեքի հարկ։ 2025թ. ցուցանիշը կազմել էր 3․14 մլրդ դրամ, գրանցվել է 19․6 մլն դրամ կամ 0․6% աճ։ Կազմակերպության դիրքը բարձրացել է 2 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 27․4%։
Հայաստանի Էլեկտրական Ցանցեր այս տարվա հունվար-մարտ ամիսներին կազմակերպությունը մուծել է մոտ 2․97 մլրդ դրամ ավելացված արժեքի հարկ։ 2025թ. ցուցանիշը կազմել էր մոտ 2․89 մլրդ դրամ, գրանցվել է մոտ 77․9 մլն դրամ կամ 2․7% աճ։ Նախորդ տարվա նույն ժամանակահատվածում ընկերությունը զբաղեցրել է 8-րդ հորիզոնականը՝ այսպիսով բարձրանալով 2 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 66%։
Սի Փի Էս Էներջի Գրուպն այս տարվա հունվար-մարտ ամիսներին մուծել է 2․95 մլրդ դրամ ավելացված արժեքի հարկ։ 2025թ. ցուցանիշը կազմել էր 4․28 մլրդ դրամ, գրանցվել է 1․33 մլրդ դրամ կամ 31․2% անկում։ Կազմակերպության դիրքը իջել է 3 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 57․4%։
Հայկական ատոմային էլեկտրակայանն այս տարվա հունվար-մարտ ամիսներին մուծել է մոտ 2․35 մլրդ դրամ ավելացված արժեքի հարկ։ 2025թ. ցուցանիշը կազմել էր 2․46 մլրդ դրամ, գրանցվել է մոտ 112․7 մլն դրամ կամ 4․6% անկում։ Կազմակերպության դիրքը բարձրացել է 2 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 79․6%։
Գազպրոմ Արմենիա ՓԲԸ տրանսգազն այս տարվա հունվար-մարտ ամիսներին մուծել է մոտ 2․24 մլրդ դրամ ավելացված արժեքի հարկ։ 2025թ. ցուցանիշը կազմել էր 1․92 մլրդ դրամ, գրանցվել է 320․3 մլն դրամ կամ 16․7% աճ։ Կազմկակերպության դիրքը բարձրացել է 22 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 90․9%։
Ալեքս Էնդ Հոլդինգը այս տարվա հունվար-մարտ ամիսներին մուծել է 2․19 մլրդ դրամ ավելացված արժեքի հարկ։ 2025թ. ցուցանիշը կազմել էր մոտ 1․88 մլրդ դրամ, գրանցվել է 308 մլն դրամ կամ 16․4% աճ։ Կազմակերպության դիրքը բարձրացել է 13 հորիզոնականով։ Ավելացված արժեքի հարկը կազմել է ընկերության ընդհանուր մուտքերի 73․2%։