Քաղաքագետ Սուրեն Սուրենյանցը գրում է․ «Բաքուն հենվելով Փաշինյանի ու ՔՊ-ի վրա ՀՀ-ն վերածում է «Արևմտյան Ադրբեջանի»
Հայաստանը պետք է պայմաններ ստեղծի «արևմտյան ադրբեջանցիների» անվտանգ վերադարձի համար։ Այս մասին Օրդուբադում ընթացող «Վերադարձ Արևմտյան Ադրբեջան» խորագրով 3-րդ համագումար-փառատոնի ժամանակ հայտարարել է այսպես կոչված «Արևմտյան Ադրբեջանի համայնքի» խորհրդի նախագահ Ազիզ Ալեքբերլին։
Բաքուն հենվելով Փաշինյանի ու ՔՊ-ի վրա ՀՀ-ն վերածում է «Արևմտյան Ադրբեջանի»։ Փաշինյանն ու ՔՊ-ն կեղծելով ԱԺ ընտրությունները մնում են իշխանության՝ թուրք-ադրբեջանական օրակարգն ու շահերը սպասարկելու՝ՀՀ-ն դե-ֆակտո «Արևմտյան Ադրբեջանի» վերածելու համար։ Այդ հայակործան ծրագիրը կյանքի են կոչում Փաշինյան-Ալիև տանդեմն ու նրանց կուրատոր՝Արևմուտքը։
Փաշինյանը հանձնեց Արցախը Բաքվին՝Արցախը հայաթափվեց ու ադրբեջանական զորքերը հասել են Սյունիք և Գեղարքունիք, ՔՊ-ի պարտվողական քայլերի արդյունքում ստանալու են անկլավներն ու Սյունիքը կտրվելու է Երևանից։ Ադրբեջանը ցանկանում է հենվելով փաշինյանական փողասեր և թրքասեր կլանի վրա ոչնչացնել ՀՀ-ում ազգային ինստիտուտները՝բանակ, տնտեսություն, Մայր Աթոռ, դիմադրության բոլոր օջախները, որպեսզի ՀՀ-ում կարողանան բնակեցնել այնքան ադրբեջանցիների, ինչքան նրանցից կպահանջի Իլհամ Ալիևը։
Բաքվի համար Հայաստանը պատնեշ է՝Թուրքիայի հետ միանալու և մեծ թուրանական պետություն ստեղծելու համար։ ՀՀ-ում 2018թ․-ից իշխանության են բերվել Արցախը ատող, հայ-ռուսական կապերը խզող և Թուրքիայի ու Ադրբեջանի շահերը սպասարկող ուժերը՝Փաշինյանի գլխավորությամբ։
Ադրբեջանը ցանկանում է փաշինյանական կլանի ձեռքերով ՀՀ-ից կորզել ռազմավարական զիջումներ՝Արցախը հայաթափված է, Սյունիքը հանձնվում է ԱՄՆ-ին, իսկ իրականում՝թուրք-ադրբեջանական տանդեմին։ ՀՀ-ի բոլոր ռազմավարական դիրքերը պատերազմի իմիտացիայով ՔՊ-ն հանձնել է Բաքվին՝Գեղարքունիքում, Սյունիքում և Տավուշում։
Ադրբեջանի գիտության և կրթության նախարար Էմին Ամրուլաևը հայտարարել է, թե «Արևմտյան Ադրբեջանի» թեման ռազմավարական նշանակություն ունի երկրի համար։ Նրա խոսքով՝ այս հարցը կարևոր դեր է խաղում ազգային ինքնության ձևավորման և երիտասարդ սերնդի դաստիարակության գործում։
Ադրբեջանը չի էլ թաքցնում, որ Արցախից հետո նրանց համար թիվ մեկ թիրախը լինելու է հայոց պետականության ոչնչացումը՝Երևանում հենվելով իրենց դաշնակիցների՝ՔՊ-ականների վրա։
ՀՀ-ում պետք է տեղի ունենա իշխանափոխություն՝հակառակ պարագայում ՀՀ-ն էթնիկ-կրոնական իմաստով ապագայում վերածվելու է «Արևմտյան Ադրբեջանի»։