https://arm.sputniknews.ru/20260618/datarany-3-amsvov-erkaradzgec-bagrat-srbazani-tnajin-kalanqi-zhamkety-103623581.html
Դատարանը 3 ամսով երկարաձգեց Բագրատ սրբազանի տնային կալանքի ժամկետը
Դատարանը 3 ամսով երկարաձգեց Բագրատ սրբազանի տնային կալանքի ժամկետը
Sputnik Արմենիա
Պաշտպան Հովհաննես Խուդոյանը նշեց՝ հնարավոր չէ խոչընդոտել մի բան, ինչն անհայտ է։ 18.06.2026, Sputnik Արմենիա
2026-06-18T17:26+0400
2026-06-18T17:26+0400
2026-06-18T17:29+0400
հայաստան
բագրատ սրբազան
դատարան
https://cdn.am.sputniknews.ru/img/07ea/04/1e/101594204_0:84:1600:984_1920x0_80_0_0_650d1fef3e2adfb3e66c9c8873970976.jpg.webp
ԵՐԵՎԱՆ, 18 հունիսի – Sputnik. «Սրբազան պայքարի» գործով անցնող Բագրատ արքեպիսկոպոս Գալստանյանի տնային կալանքի ժամկետը երկարաձգվեց 3 ամսով։ Նման որոշում կայացրեց Երևանի առաջին ատյանի ընդհանուր իրավասության դատավորը՝ Կարեն Ֆարխոյանի նախագահությամբ՝ բավարարելով հանրային մեղադրողի ներկայացրած միջնորդությունը։Մեղադրողը միջնորդության մեջ որպես հիմնավորում նշեց, թե Բագրատ սրբազանի դիրքը, հեղինակությունը հասարակությունում թույլ են տալիս ողջամտորեն ենթադրել ու կասկածներ հայտնել, որ նա, հայտնվելով ազատության մեջ, կարող է կատարել այնպիսի արարքներ, որոնք կարող են խոչընդոտել գործի քննությունը։Պաշտպան Հովհաննես Խուդոյանն ի պատասխան նշեց՝ հնարավոր չէ խոչընդոտել մի բան, ինչն անհայտ է։ Պաշտպաններն ընդգծեցին՝ անընդհատ խոսվում է Բագրատ սրբազանի իրավունքների սահմանափակման մասին, բայց սահմանափակվում են այն բազմաթիվ հավատավորների իրավունքները, որոնք չեն կարողանում շփվել սրբազանի հետ։«Դատարանին չեմ խնդրելու մեղմ խափանման միջոց կիրառել, պահանջում եմ դադարեցնել ապօրինի քրեական հետապնդումը։ Դուք որոշեք՝ ինչ որոշելու եք, մենք կանդրադառնանք ձեր որոշումներին մեր բողոքներով»,- մինչ դատարանի որոշման հրապարակումը հայտարարեց պաշտպան Հովհաննես Խուդոյանը։Նա նաև միջնորդություն ներկայացրեց թույլ տալ Բագրատ սրբազանին մասնակցելու Մայր տաճարում կիրակնօրյա պատարագներին, որը դատավորը բավարարեց։Բագրատ սրբազանն իր հերթին հայտարարեց, որ իրենք ոչ թե ահաբեկիչներ են, այլ հակաահաբեկիչներ։«Այն, որ մենք ահաբեկիչ չենք, անքննարկելի փաստ է, որ ուզեինք էլ, չէինք կարող լինել։ Ոչ թե մենք ենք ահաբեկիչ, այլ իշխանություններն են ահաբեկված»,- հայտարարեց Բագրատ սրբազանը։Սրբազանի տնային կալանքի ժամկետի երկարաձգման որոշման հրապարակումից հետո նիստերի դահլիճում հավաքվածները սկսեցին վանկարկել. «Ամոթ, ամոթ»։
2026
Լուրեր
am_HY
https://cdn.am.sputniknews.ru/img/07ea/04/1e/101594204_89:0:1512:1067_1920x0_80_0_0_833f932d6d36e3705655ff3963b8e908.jpg.webp
հայաստան, բագրատ սրբազան, դատարան
հայաստան, բագրատ սրբազան, դատարան
Պաշտպան Հովհաննես Խուդոյանը նշեց՝ հնարավոր չէ խոչընդոտել մի բան, ինչն անհայտ է։
ԵՐԵՎԱՆ, 18 հունիսի – Sputnik. «Սրբազան պայքարի» գործով անցնող Բագրատ արքեպիսկոպոս Գալստանյանի տնային կալանքի ժամկետը երկարաձգվեց 3 ամսով։ Նման որոշում կայացրեց Երևանի առաջին ատյանի ընդհանուր իրավասության դատավորը՝ Կարեն Ֆարխոյանի նախագահությամբ՝ բավարարելով հանրային մեղադրողի ներկայացրած միջնորդությունը։
Մեղադրողը միջնորդության մեջ որպես հիմնավորում նշեց, թե Բագրատ սրբազանի դիրքը, հեղինակությունը հասարակությունում թույլ են տալիս ողջամտորեն ենթադրել ու կասկածներ հայտնել, որ նա, հայտնվելով ազատության մեջ, կարող է կատարել այնպիսի արարքներ, որոնք կարող են խոչընդոտել գործի քննությունը։
Պաշտպան Հովհաննես Խուդոյանն ի պատասխան նշեց՝ հնարավոր չէ խոչընդոտել մի բան, ինչն անհայտ է։ Պաշտպաններն ընդգծեցին՝ անընդհատ խոսվում է Բագրատ սրբազանի իրավունքների սահմանափակման մասին, բայց սահմանափակվում են այն բազմաթիվ հավատավորների իրավունքները, որոնք չեն կարողանում շփվել սրբազանի հետ։
«Դատարանին չեմ խնդրելու մեղմ խափանման միջոց կիրառել, պահանջում եմ դադարեցնել ապօրինի քրեական հետապնդումը։ Դուք որոշեք՝ ինչ որոշելու եք, մենք կանդրադառնանք ձեր որոշումներին մեր բողոքներով»,- մինչ դատարանի որոշման հրապարակումը հայտարարեց պաշտպան Հովհաննես Խուդոյանը։
Նա նաև միջնորդություն ներկայացրեց թույլ տալ Բագրատ սրբազանին մասնակցելու Մայր տաճարում կիրակնօրյա պատարագներին, որը դատավորը բավարարեց։
Բագրատ սրբազանն իր հերթին հայտարարեց, որ իրենք ոչ թե ահաբեկիչներ են, այլ հակաահաբեկիչներ։
«Այն, որ մենք ահաբեկիչ չենք, անքննարկելի փաստ է, որ ուզեինք էլ, չէինք կարող լինել։ Ոչ թե մենք ենք ահաբեկիչ, այլ իշխանություններն են ահաբեկված»,- հայտարարեց Բագրատ սրբազանը։
Սրբազանի տնային կալանքի ժամկետի երկարաձգման որոշման հրապարակումից հետո նիստերի դահլիճում հավաքվածները սկսեցին վանկարկել. «Ամոթ, ամոթ»։