ԱՄՆ նախագահ Դոնալդ Թրամփը մտադիր է ամերիկյան պաշտպանական ընկերություններին հնարավորություն տալ Եվրոպայում և Ուկրաինայում լիցենզիայի ներքո զենք արտադրել, հաղորդում է Bloomberg-ը՝ հղում անելով աղբյուրներին։
«Նրանք կցանկանային ունենալ այդ հնարավորությունը, և մենք կքննարկենք դա», – հունիսի 17-ին Ֆրանսիայի Էվիան քաղաքում կայացած «Մեծ Յոթնյակի» (G7) գագաթնաժողովի շրջանակներում մամուլին ասել է Թրամփը։
Գործակալությունը նշել է, որ Կիեւին անհրաժեշտ են հակաօդային պաշտպանության համակարգեր, այդ թվում՝ խափանող հրթիռներ, «որոնք միայն ԱՄՆ-ն կարող է արտադրել»։ Սակայն, Իրանի հետ հակամարտության ընթացքում ամերիկյան կողմը սպառել է իր պաշարները, և արտադրության ավելացումը ժամանակ կպահանջի։ Պաշտոնյաների խոսքով՝ Թրամփը դաշնակիցներին տեղեկացրել է, որ կքննարկի լիցենզավորման հարցը։
Մարտի 3-ին Թրամփը հայտարարել է, որ Միացյալ Նահանգներն ունի անսահմանափակ զենքի մատակարարում, ինչը թույլ է տալիս նրանց պատերազմներ մղել «հավերժ»։ 2025 թվականի հուլիսին «The Wall Street Journal»-ը, հղում անելով Պենտագոնի նախկին ավագ խորհրդական Դեն Քոլդուելին, հաղորդել էր, որ ԱՄՆ արդյունաբերական բազան «քայքայվել» է Կիեւին միլիարդավոր դոլարների զենքի վաճառքի պատճառով։ Այժմ երկրին տարիներ են պետք իր պաշարները համալրելու համար։