Համայնքում ներդրված հասարակական տրանսպորտի նոր ցանցի բարելավմանն ուղղված ծրագրերի շրջանակում Կապանում շարունակվում են կանգառասրահների տեղադրման աշխատանքները՝ ստեղծելով առավել հարմարավետ ու անվտանգ պայմաններ ուղևորների համար։
Ժամանակակից դիզայնով և յուրովի գեղեցիկ ևս 4 կանգառասրահ է տեղադրվել քաղաքի տարբեր հատվածներում, որոնք նույնպես կահավորվել են գիշերային լուսավորությամբ, հարմարավետ նստարաններով, ինչպես նաև հանրային տրանսպորտի երթուղիները ցուցադրող քարտեզներով և քաղաքի անցյալը պատկերող լուսանկարներով։
Թուջե կանգառասրահները տեղադրվել են «Կապանի լեռնահարստացման կոմբինատ» ՓԲ ընկերության/ Կապանի լեռնահարստացման կոմբինատ/ Kapan Mining and Processing Company ֆինանսական միջոցներով՝ շուրջ 26 մլն ՀՀ դրամ ներդրմամբ։