Շվեյցարական Նիոնում տեղի է ունեցել Կոնֆերենցիաների լիգայի որակավորման առաջին փուլի վիճակահանությունը։
Երևանի «Փյունիկը» երկխաղյա դիմակայությունում կմրցի Մալթան ներկայացնող «Մարսաշլոկի» հետ։
«Ալաշկերտի» մրցակիցը կլինի ղազախական «Ելիմայը»:
Կոնֆերենցիաների լիգային մասնակցելու է նաև Հայաստանի փոխչեմպիոն ու գավաթակիր «Նոան», որը պայքարը սկսելու է որակավորման երկրորդ փուլից։ Այդ փուլի վիճակահանությունը կկայանա հունիսի 17-ին։
Կոնֆերենցիաների լիգայի որակավորման առաջին փուլի առաջին խաղերը կկայանան հուլիսի 9-ին, պատասխան հանդիպումները՝ մեկ շաբաթ անց։