Քաղաքականություն
16.06.2026 | 21:24
Բաքվի վերաքննիչ դատարանում հունիսի 16-ին շարունակվել է Արցախի ղեկավարների շինծու գործերով դատավճիռների դեմ ներկայացված վերաքննիչ բողոքների քննությունը։ Ադրբեջանական լրատվամիջոցների փոխանցմամբ՝ նիստը վարել է Բաքվի վերաքննիչ դատարանի դատավոր Էլմար Ռահիմովը՝ դատավորներ Էմին Մեհդիևի և Մեհրիբան Գարաևայի մասնակցությամբ։
Նիստին մասնակցել են, այսպես կոչված, «տուժողների» ներկայացուցիչները, պետական մեղադրողներ Աբբաս Աբբասլին, Անար Ալեքբերովը և Սևինջ Գասիմովան։
Նախագահող դատավորը հիշեցրել է, որ նախորդ նիստում պաշտպանության կողմին ժամանակ էր տրվել իրենց փաստարկները պատրաստելու համար։
Արցախի ԱԺ նախագահ Դավիթ Իշխանյանը հայտնել է իր պաշտպանի հետ առաձին հանդիպում ունենալու ցանկության մասին։ Նրա միջնորդությունը բավարարվել է։
Նշվում է, որ դատարանի հայտարարած ընդմիջման ժամանակ Դավիթ Իշխանյանը գաղտնիության պայմաններում հանդիպել է իր փաստաբանի հետ։ Նա նաև թարգմանչի օգնությամբ ծանոթացել է մայիսի 26-ի դատական նիստի արձանագրությանը։
Այնուհետև ելույթի համար խոսք է տրվել Լևոն Մնացականյանի պաշտպանին։ Փաստաբանը դատարանին խնդրել է Մնացականյանի նկատմամբ արդարացման դատավճիռ կայացնել։
Դրանից հետո ելույթ է ունեցել Արցախի ՊԲ նախկին հրամանատար Լ Լևոն Մնացականյանը։ Նա հայտարարել է, որ աջակցում է փաստաբանի ելույթին և ներկայացրել է իր սեփական փաստարկները։
Հաջորդ դատական նիստը կկայանա հունիսի 23-ին։
Թարգմանությունը՝ Էմմա Չոբանյանի