ՀՀ կառավարության կառուցվածքում փոփոխություններ անելու քննարկում այս պահին չկա։ Այս մասին Factor. am-ի հարցին ի պատասխան ասաց վարչապետի մամուլի խոսնակ Նազելի Բաղդասարյանը։
Նշենք, որ այսօր նման տեղեկություն հայտնել էր news.am-ը։ Ըստ լրատվամիջոցի` նախատեսվում է ստեղծել փոխվարչապետի երրորդ պորտֆել` գյուղատնտեսության ոլորտը համակարգելու նպատակով։
Հիշեցնենք` Նիկոլ Փաշինյանը երեկ ճեպազրույցի ընթացքում հայտարարեց, որ կառավարության կազմում էական փոփոխություններ չեն լինելու։
Նարեկ Կիրակոսյան