ԿԸՀ–ն անվավեր է ճանաչել ևս մեկ ընտրատեղամասի քվեարկության արդյունքները

ԿԸՀ–ն անվավեր է ճանաչել ևս մեկ ընտրատեղամասի քվեարկության արդյունքները

ԿԸՀ–ն անվավեր է ճանաչել ևս մեկ ընտրատեղամասի քվեարկության արդյունքները

Sputnik Արմենիա

Ընտրատեղամասի նյութերն ուղարկվել են դատախազություն։ 12.06.2026, Sputnik Արմենիա

2026-06-12T15:34+0400

2026-06-12T15:34+0400

2026-06-12T15:46+0400

հայաստան

կենտրոնական ընտրական հանձնաժողով (կըհ)

քվեարկություն

https://cdn.am.sputniknews.ru/img/07e7/09/11/65953095_0:206:1600:1106_1920x0_80_0_0_1607f8aa20d2ca1b32fc6c8c6d78ed75.jpg.webp

ԵՐԵՎԱՆ, 12 հունիսի – Sputnik. ՀՀ կենտրոնական ընտրական հանձնաժողովն անվավեր է ճանաչել նաև թիվ 12/13 ընտրական տեղամասի քվեարկության արդյունքները։ Լուրը հրապարակվել է ԿԸՀ–ի կայքում։Հունիսի 11-ի ուշ երեկոյան ԿԸՀ–ն որոշեց անվավեր ճանաչել թիվ 10/51 և 35/65 ընտրատեղամասերի քվեարկության արդյունքները, ինչը նշանակում է, որ ԲՀԿ–ն ընդհանուր առմամբ կորցրեց 213 ձայն, ու խորհրդարանի անցողիկ 4 տոկոսը հաղթահարելու շանսերն ավելի նվազեցին։ ԲՀԿ–ն Սահմանադրական դատարան դիմելու գործընթաց է նախաձեռնել։Ընտրական տեղամասի նյութերն ուղարկվել են դատախազություն։Թիվ 12/13 ընտրական տեղամասն ընդգրկում է Արտաշատ քաղաքը, Աբովյան գյուղը և մի շարք այլ բնակավայրեր։ Հունիսի 7–ին այս ընտրատեղամասում «Ուժեղ Հայաստանը» ստացել է 71 քվե, ԲՀԿ–ն` 9, ՔՊ–ն` 602, «Հայաստան» դաշինքը` 67։Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական հաշվարկների համաձայն` «Քաղաքացիական պայմանագիր» կուսակցությանը կողմ է քվեարկել ընտրողների 49,82%–ը, «Ուժեղ Հայաստան» դաշինքին` 23,28%–ը, «Հայաստան» դաշինքին` 9,93%–ը։ «Բարգավաճ Հայաստան» կուսակցությունը ստացել է քվեների 3,996%–ը, ինչը նրան թույլ չի տալիս մտնել ԱԺ, սակայն Կենտրոնական ընտրական հանձնաժողովի նախագահ Վահագն Հովակիմյանը հունիսի 8–ին հայտարարեց, որ վերահաշվարկից հետո իրավիճակը կարող է փոխվել։