«Ռեպրեսիաների այս նոր ալիքի անոնսը տվեց Նիկոլ Փաշինյանը»․ ԲՀԿ խոսնակը` ԿԸՀ–ի որոշման մասին

«Ռեպրեսիաների այս նոր ալիքի անոնսը տվեց Նիկոլ Փաշինյանը»․ ԲՀԿ խոսնակը` ԿԸՀ–ի որոշման մասին

«Ռեպրեսիաների այս նոր ալիքի անոնսը տվեց Նիկոլ Փաշինյանը»․ ԲՀԿ խոսնակը` ԿԸՀ–ի որոշման մասին

Sputnik Արմենիա

Սուրենյանցի խոսքով` այն, ինչ տեղի է ունենում, այլևս կապ չունի ընտրական գործընթացի հետ։ 12.06.2026, Sputnik Արմենիա

2026-06-12T12:38+0400

2026-06-12T12:38+0400

2026-06-12T12:42+0400

բարգավաճ հայաստան կուսակցություն (բհկ)

ընտրություններ

ազգային ժողովի ընտրություններ

խախտում

նիկոլ փաշինյան

իվետա տոնոյան

սուրեն սուրենյանց

գագիկ ծառուկյան

https://cdn.am.sputniknews.ru/img/07ea/06/0c/103411889_0:150:1600:1050_1920x0_80_0_0_a55129c187dcc6dfd5dede629a283a63.jpg.webp

ԵՐԵՎԱՆ, 12 հունիսի – Sputnik. Վերահաշվարկի արդյունքում «Բարգավաճ Հայաստան» կուսակցությունը 2 անգամ ավելի չափով վերականգնել էր անցողիկ շեմը հաղթահարելու համար անհրաժեշտ քվեների քանակը։ Այսօր հրավիրված ասուլիսի ժամանակ հայտարարեց ԲՀԿ խոսնակ, պատգամավորի թեկնածու Իվետա Տոնոյանը։«Արդեն երեկ ուշ գիշերին Վահագն Հովակիմյանի գլխավորությամբ ԿԸՀ-ն անմռունչ կերպով կյանքի կոչեց Նիկոլ Փաշինյանի ցանկությունը՝ թույլ չտալ ԲՀԿ-ին հաղթահարել շեմը»,- հայտարարեց Տոնոյանը։Նշենք, որ երեկ ուշ երեկոյան ԿԸՀ–ն որոշում կայացրեց անվավեր ճանաչել թիվ 10/51 և 35/65 ընտրատեղամասերի քվեարկության արդյունքները։ Այսպիսով` ԲՀԿ–ն ընդհանուր առմամբ կորցրեց 213 ձայն ու խորհրդարանի անցողիկ 4 տոկոսը հաղթահարելու շանսերն ավելի նվազեցին։ԲՀԿ նախընտրական ցուցակով պատգամավորի թեկնածու Էլինար Վարդանյանի խոսքով՝ թեպետ «Ընտրական օրենսգիրքը» ԿԸՀ-ին քվեարկության արդյունքներն անվավեր ճանաչելու լիազորություն ընձեռում է, բայց նույն օրենսգիրքը պահանջում է, որպեսզի տրվի գնահատական, թե արդյոք անվավեր ճանաչելու որոշումն ազդեցություն ունենալու՞ է ընտրությունների արդյունքների վրա։Նա հավելեց՝ օրենսգրքի 95-րդ հոդվածը պահանջում է, որ ԿԸՀ-ն նշանակի վերաքվեարկություն, եթե առկա է արդյունքների վրա ազդեցություն։Օրենսգրքով նաև սահմանվում է՝ եթե վերաքվեարկության արդյունքները չեն վերացնում ուժերի նկատմամբ ազդեցությունը, ապա կարող է ԱԺ-ի անվավերության հետ կապված հարց առաջանալ։«Ռեպրեսիաների այս նոր ալիքի անոնսը տվեց Նիկոլ Փաշինյանը կառավարության երեկվա նիստում` իր ամբարտավան ռեպլիկներով հայտարարություններով։ Հիշում եք նրա անտակտ ռեպլիկը Գագիկ Ծառուկյանի հասցեին, հետո նա հանդգցնեց 550 հազար ընտրողների վիրավորել, երբ խոսում էր ընտրակաշառքի գարշահոտությունն ԱԺ բերելու մասին։ Ըստ էության` նա սրանով անոնսավորում էր բռնությունների ու ռեպրեսիաների նոր փուլ»,- ասաց «Բարգավաճ Հայաստան» կուսակցության ցուցակով պատգամավորի թեկնածու, քաղաքագետ Սուրեն Սուրենյանցը։Նրա խոսքով՝ Փաշինյանը չի էլ գիտակցում, որ թիրախավորելով ընդդիմության առաջնորդներին՝ թիրախավորում է այն շուրջ 550 հազար քաղաքացիներին, որոնք իրենց ձայնը տվել են ընդդիմությանը։ Վստահ է՝ այն, ինչ տեղի է ունենում, այլևս ընտրական գործընթացների հետ կապ չունի։ Հայաստանում ձևավորվում է ավազակապետություն, որտեղ համակարգի առաջին դեմքն ինքն է որոշում, թե որ քաղաքացին ընտրելու իրավունք ունի, որը՝ ոչ, որ կուսակցությունը պետք է ԱԺ անցնի, որը՝ ոչ։Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական հաշվարկների համաձայն` «Քաղաքացիական պայմանագիր» կուսակցությանը կողմ է քվեարկել ընտրողների 49,82%–ը, «Ուժեղ Հայաստան» դաշինքին` 23,28%–ը, «Հայաստան» դաշինքին` 9,93%–ը։ «Բարգավաճ Հայաստան» կուսակցությունը ստացել է քվեների 3,996%–ը, ինչը նրան թույլ չի տալիս մտնել ԱԺ, սակայն Կենտրոնական ընտրական հանձնաժողովի նախագահ Վահագն Հովակիմյանը հունիսի 8–ին հայտարարել է, որ վերահաշվարկից հետո իրավիճակը կարող է փոխվել։